Este ano centramos as nosas actividades polo día do libro en 2:
Por unha banda estamos elaborando unha historia en B.D na que o protagonista é Xuve, de xeito colaborativo todo o alumnado do centro.
( Estamos en proceso de finalización para presentalo á toda a comunidade educativa)
E para conmemorar no propio día do libro, voltamos ás orixes: facendo un apadriñamento lector no patio, na "hora de ler" despois do recreo.
Cada aula dos "maiores" recolleu a unha aula dos máis pequenos para contarlles/dramatizarlles un conto ou lerllo.
O alumnado do 6ºde EP. fixo unha lectura conxunta para a clase de 4º/5º de ED. Infantil.
O alumnado de 5º dramatizou varios contos para o alumnado de 2º EP.
As aulas de 4º e 3º fixeron unha lectura individualizada para as aulas de 1º de EP e 5 anos.
Finalizada a lectura , o alumnado de 6º de EP. fixo unha dramatización de 4 historias con monicreques (que eles mesmos inventaron) para o alumnado de ED. Infantil e 1º Ciclo de EP.
Agradecemos a colaboración de todo o alumnado , en especialmente ao de 6º E.P e ás titoras pola organización previa da actividade (escollendo as lecturas axeitadas e practicando previamente nas aulas)
Varios centros das provincias de Pontevedra e de Ourense ( entre os que nos atopamos o CEIP Xuvencos de Boborás) así como clínicas veterinarias e diversas entidades , colaboramos nunha dinámica intercentros de concienciación contra o maltrato animal.
(Texto elaborado pola profe M Luz, titora de 1º de ED. Primaria)
No mes de marzo o alumnado de 5º e 6º EP do CEIP Xuvencos, participou no REGUEIFANDO, unha iniciativa colectiva sobre poesía oral popular improvisada na que varios centros educativos de Galicia se animaron a crear coplas encadeadas sobre a propia contorna e a lingua galega.
Este foi o vídeo que encadeamos coas coplas do CEIP de Ortigueira e que preparamos nun proceso de creación, reflexión e valoración sobre o patrimonio material e inmaterial e en xeral da cultura popular.
Música: A danza (Eva Castiñeira e Florencio o cego dos
Vilares)
Letra: alumnado CEIP Xuvencos
1. Nesta terra que habitamos
a nosa lingua non cala
o galego sen fronteiras
para amar a nosa fala
2. Somos do CEIP Xuvencos
Temos Cameixa e o Regueiro
Boborás, o Carballiño
tamén Pazos de Arenteiro
3. A imaxinación non falta
nós xogando a fartar
vendo os nosos grafitis
non quereredes marchar...
(Redacción do texto: profe Patricia,
titora de 6º ED. Primaria)
ACTUALIZACIÓN A 24 DE XUÑO:
Chegou o vídeo completo do REGUEIFANDO 2024 con todas as participacións ( a nosa está a partir do minuto 1.42)
Moitísimas grazas á organización do Correlingua por enviarnos uns agasallos tan chulos para o alumnado do terceiro ciclo de ED. Primaria ( alumnado participante)
Dentro do programa LECTURA E FAMILIAS ao que nos incorporamos este curso e partindo de propostas de diversas familias (especialmente as pertencentes ao Club de Lectura de Familias e profesorado) organizamos unha segunda charla informativa impartida pola experta na materia Iria Veiga (médica psiquiátra no CHUS e divulgadora científica).
Desta volta, e directamente relacionado co noso PDI de centro deste curso "XUVE SAUDABLE" a charla informativa tratará a importancia dos hábitos saudables e a saúde mental.
Contou coa colaboración de 10 alumnos e alumnas voluntarias de 3º ciclo de ED. Primaria para desenvolver esta representación interactiva ( na que coa axuda do público) mediante preguntas sobre as situacións plantexadas foron resolvendo as mesmas.
Foi unha actividade moi interesante, que nos fixo ver e reflexionar sobre os distintos tipos de "bullying" que podemos atopar no contexto escolar.
Buscando entre todos e todas atopar as solucións e parar a pensar no que sinten os demais. Promovendo un ambiente escolar máis seguro e respectuoso.
Hoxe venres 12 de abril, a Plataforma da Sanidade Pública de O Carballiño porá a disposición de tod@s @s veciñ@s una MESA INFORMATIVA na Praza Maior de 18.00h a 19.30 h.
O pasado xoves día 4, reuniuse o Club de Lectura de alumnado para falar da última lectura: "Sobremesas sobre versos" de Raquel Castro
Comezamos falando sobre o libro, que lles pareceu, que foi o que máis lles gustou, que foi o que menos e a maioría comentaron que fixeron algunha das receitas.
Un formato de lectura distinto ao que están habituados e habituadas.
Tamén falamos sobre os seus coñecementos sobre o alzheimer e como lle explicarían que é ao alumando de ED. Infantil
Posteriormente fixemos 2 grupos para ir á Radio Xuve e gravar as preguntas que lle queren facer á autora sobre o libro, para que cando teña un momento , as resposte e escoitalas na seguinte reunión.
Mentres uns gravaban os outros estiveron xogando a algúns dos xogos de mesa que temos na biblio.
E coma sempre rematamos coa "merendiña" que este curso pretende ser "saudable".
O pasado día 3, tivemos a sorte de poder contar no noso centro con Iria Veiga ( médica psiquiatra, divulgadora científica e colaboradora con Nós Diario entre outras moitas cousas)
Baixo o titulo "Redes sociais e saúde mental na adolescencia" explicounos diversos conceptos, como o funcionamento do cerebro dos e das adolescentes. Tamén nos aportou alguns artigos científicos con información contrastada e fixo unha inmersión na visión que temos e teñen das redes sociais ( incidindo en que somos seres "sociais" por natureza) .
Compartiu con nós tamén unha serie de artigos sobre estudos, e información contrastada sobre a temática, que resultou moi útil e ademais interesante ( apostas online e o seu "target", estatísticas, exposición de menores nas redes, uso das mesmas..)
Posteriormente abriuse a "quenda de preguntas" na que xurdiron algunhas dúbidas ou incertezas.
Finalizamos cun "pincho saudable" e dun xeito máis informal ao rematar.
Dende o equipo de biblioteca do centro queremos agradecer ás familias que participaron e a Iria Veiga por achegarse ata o noso centro.
A finais de mes contaremos novamente con ela, desta volta sobre outra temática de especial interese para nós.
O 2 de abril celebramos o día mundial do Autismo cun kahoot que contestaron todo o alumnado do colexio. Despois colorearon o infinito de cores variados.
O pasado venres día 22 e para facer unha conmemoración conxunta dos días da Árbore, da Auga e da Poesía desenvolvimos 2 actividades:
En primeiro lugar, o profesorado especialista preparou experimentos nos que a protagonista principal era a AUGA, e os distintos grupos fomos rotando polos mesmos, a modo de "estacións".
Foi unha actividade moi interesante para o alumnado, que desfrutou e ao mesmo tempo aprendeu sobre as cualidades da auga.
Queda aquí un pequeno vídeo cunhas poucas fotos do momento:
Ao finalizar esta actividade, dirixímonos ao noso patio e démoslle unha aperta as árbores do noso cole.
Así baixo o lema "abraza unha árbore" sentimos o contacto coas mesmas e pasamos un rato divertido.
Por último e isto xa a nivel aula, traballamos os CALIGRAMAS e elaboramos caligramas con formas naturais ( árbores, elementos da natureza) xa fose de xeito individual ou en equipo.
Por último engadir, que o xoves día 21 o alumando do 3º ciclo achegouse á Insua dos Poetas para participar con outros centros na celebración conxunta dos días da Árbore, Auga e Poesía. (Se premedes no enlace levaravos a información máis completa sobre o evento)
