O día 26 unha pequena representación do alumnado de 4º e 6º de Educación Primaria tivo a oportunidade de desprazarse á Cidade da Cultura, en Santiago de Compostela, para mostrar os traballos realizados no campo da Programación e Robótica durante o curso escolar.
Alí tiveron a oportunidade de coñecer ao presidente da Xunta de Galicia, ao Conselleiro de Educación e ás demais autoridades e puideron explicar os seus proxectos a outros docentes interesados.
O CEIP Plurilingüe de Maceda foi seleccionado xunto con outros 19 centros de todo Galicia para participar neste evento de presentación dos polos creativos, as novas aulas con dotación tecnolóxica que se establecerán nos centros que o soliciten.
Estamos moi orgullosos do seu traballo e do ben que o fixeron durante a xornada.
Parabéns aos nenos que tiveron a ocasión de representarnos pero tamén a aqueles que tiveron que quedar polas limitacións establecidas.
Velaquí as fotos do evento.
Álbum: Curso 2021-2022 -> Presentación Polos Creativos
