Inicio

EDLG-GHAFOS

Novembro mes da Ciencia en Galego

Desde que, no ano 2001, a UNESCO declarou o 10 de Santos como Día Mundial da Ciencia para a Paz e o Desenvolvemento, novembro pasou a ser para todos nós o Mes da Ciencia. En consonancia con isto, desde hai once anos o profesorado de Galicia comezou a celebrar en novembro o Mes da Ciencia en Galego. O obxectivo desta conmemoración é o de mostrar que a lingua galega é útil e tan válida como calquera outra para facer pescuda, ensino e divulgación científica.

Por outra banda, nos centros educativos os equipos de dinamización da lingua galega  traballan co seu alumnado en diferentes propostas  que se orientan a mostrar o valor da ciencia e da lingua galega para a súa creación e divulgación.  Ver recursos aportados polo noso centro e recollidos polo Portal da Lingua para esta celebración:  - Os volcáns  - A homenaxeada este ano 2021 (Jimena F. V.) - O Ártico rompe - Xincana botánico-cultural e árbores e plantas.

A HOMENAXEADA ESTE ANO 2021 É JIMENA F. DE LA VEGA

Ligazóns relacionadas: Ciencia en galego - Mes da Ciencia nas Bibliotecas Escolares

San Martiño

A celebración é o 11 de novembro.
 
Unha das historias de San Martiño é a seguinte:
 
"San Martín de Tours naceu en en Hungría no ano 316 aínda que toda a súa educación recibiuna en Pavia (Italia).
Desde moi novo sentiuse atraído cara ao tema relixioso, pero aos 15 anos viuse  obrigado a entrar no exército, servindo a cabalo na garda imperial romana. É neste período cando xorde unha das historias máis belas e máis coñecidas do noso San Martiño. Un día de inverno moi frío, a tropa romana entrou na cidade francesa de Amiens. Alí, Martín atopa a un pobre espido que lle implora caridade, e non tendo moedas para darlle, Martín sacou a espada, cortou a capa que levaba polo medio e deulle a metade a aquel pobre home. Foi obxecto de burlas por parte dos seus compañeiros, pero a acción caritativa foi docemente recompensada, xa que a tradición conta que aquel mesmo día pola noite, viu en soños a Xesucristo que lle dicía: " Martín, hoxe cubríchesme co teu manto”
 
Parece que en agradecimiento, existe o chamado " Veraniño de San Martiño", que permite capear os rigores do inverno por uns días.
 
A festividad de S.Martin, o 11 de novembro,  é celebrada en infinidade de pobos e cidades de Europa
 
Para moitos  este día marca o inicio do inverno, comeza a matanza do porco para poder abastecerse del todo o inverno, gardándose hoxe en día en grandes conxeladores, antes en artesas con sal.
 

Refraneiro de Outubro

Primeiro vótalle unha ollada a estas datas, e logo le os refrans específicos do mes de outubro,  porque tamén hai moitos sobre o outono. 

Powered by Drupal - Design by artinet