Primeiro vótalle unha ollada a estas datas, e logo le os refrans específicos do mes de outubro, porque tamén hai moitos sobre o outono. Ver o santoral completo anual
San Francisco, 4 de outubro.
Os Remedios, o segundo domingo de outubro;
O Pilar, 12 de outubro.
San Lucas, 18 de outubro
San Xudas e San Simón, 28 de outubro.
San Quintín, 31 de outubro.
- Auga de outono mata ó seu dono.
- Auga en outono non lle convén ao xornaleiro nen ao seu dono.
- A lúa de outubro a sete cubre, e se chove, nove.
- A lúa de Outubro sete lúas cobre, e se chove, cobre nove.
- Áncoras ó fondo, que chega San Simón.
- A verdura en outono cómea o seu dono
- A verdura de san Simón dá para o amo e máis para o ladrón.
- As avenidas de San Simón, antes ou despois sonadas son.
- As enchentes de San Simón sonadas son, ou antes ou despois enchen o carro e mais os bois.- Outubro viñateiro, pai do bo xaneiro.
- De setembo a san Simón, non comas o mexillón.
- En outubro, a terra esterca e cubre.
- En outubro, non molesta o lume.
- En outubro semea e cría, terás alegría.
- En san Francisco trae a vela, en San Xosé lévaa.
- En setembro e outono, bebe o viño vello e deixa o novo.
- En outubro semea e cría, terás alegría.
- En san Francisco trae a vela, en San Xosé lévaa.
- En setembro e outono, bebe o viño vello e deixa o novo.
- Flores de outono, fame no aninovo.
- Logo que outubro veña, procura leña.
- Na semana de san Lucas, suca, boi, suca.
- O pote de san Francisco tanto dá para catro como para cinco.
- Outono chegar, porco cebar.
- Outono, outonán, mes de san Lucas e máis san Froilán.
- Outubriño viñateiro, pai do bo xaneiro.
- Outubro chuvioso, ano copioso
- Outubro chuvioso torna o labrador venturoso.
- Outbro enxoito, Nadal vento pouvo ou moito.
- Outubro, lerias e falsas linguas.
- Outubro viñateiro, pai de bo xaneiro.
- Outono, outonán, mes das San Lucas e maís san Froilán.
- Outono quente trae o demo no ventre.
- Para as árbores é boa sorte que veña por outubro frío forte.
- Pasados os Remedios e san Roque, xa non hai sesta nin merendotes.
- Polo Pilar, os nabos na terra e o viño a envasar.
- Polo san Lucas mata o teu porco e barra a túa cuba / as túas cubas.
- Polo san Lucas saben ben as uvas.
- Polo san Lucas solta os bois, mata os porcos e tapa as cubas.
- Por san Martiño e san Xudas, piñeiriña das túas uvas.
- Por san Quintín castañas ó rolín.
- Por San Francisco bota o liño mourisco, se o botas en San Simón nin da estopa nin estopón.
- Por san Francisco, risco, risco. Por san Lucas alza o boi da suca, mata o porco e tapa a cuba.
- San Francisco trae a vela, san Xosé lévaa.
- Por san Xudas e san Simón, collidas as uvas son
- Polo san Simón proba o viño, e o porco polo san Martiño.
- Polo san Simón, áncoras ó fondón.
- Polo san Simón, camiñar si, navegar non.
- Por san Simón a xeira do cogordón.
- Por san Simón cada moneda vale un doblón.
- Por san Simón e san Xudas, collidas as uvas.
- Por san Simón e san Xudas, mata o teu porco e atesta as túas cubas.
- Por san Simón o néspero se repón.
- Por san Simón, aperta o baldón.
- Por San Simón, camiñar si, navegar non.
- Quenturas de outono, non son boas para o seu dono.
- San Simón proba o viño e o porco San Martiño.
- Se as anduriñas partiren en outubro, seca todo.
- Se en outubro non te pos a traballar, pouco as de enceleirar.
- Baldón ou bandón é o tapón de cortiza ou madeira co que se tapa o burato da tapa superior dos bocois.
- "Barrar as cubas" é tapar calquera greta ou abertura que poida ter a cuba para asegurar a súa hermeticidade. Facíase con lama ou pez.
Neste mes entrarían tamén moitos dos refráns que hai sobre o outono, que tanto pode ser chamado estación ou mes do ano.
Ver tamén curiosidades de outubro. Ver Santoral de todo ano.
