XA SE PODEN VER OS NÚMEROS ANTERIORES DA NOSA REVISTA ESCOLAR A PITA FALADORA. PARA FACELO IDE AO APARTADO REVISTA ESCOLAR E EN NÚMEROS ANTERIORES PODEDES ENTRAR NA NOSA REVISTA. ESTAMOS SEGUROS DE QUE VOS GUSTARÁ.

Este xoves 13 de novembro saíu no Canal Tea Televisión de Ponteareas unha magnífica reportaxe sobre as actividades que co gallo do Magosto se levaron a cabo no C.E.I.P. "Nosa Señora dos Remedios" co participación de todo o alumnado e de todo o profesorado do colexio.

Este lunes 10 de novembro fixemos o Magosto no colexio. Foi unha mañá con moitas actividades. Houbo carreiras por niveis e xogos, ademais de asar as castañas.

Estas son algunhas das imaxes de traballos feitos para estas datas de Outono.

Este xoves 30 de outubro nun programa de Canal Tea, a Televisión de Ponteareas, foi entrevistado o Director do noso colexio. Na entrevista déronse a coñecer os diferentes programas e proxectos de innovación que se traballan no noso Centro durante este curso 2008-09 e que nos sitúan na vangarda da educación galega.

Así temos seccións bilingües en 3º de E. Primaria, un Plan de Mellora da Calidade, o programa PROA e un Proxecto para o uso educativo das Novas Tecnoloxías, que está entre os 10 seleccionados entre todos os presentados por centros de ensino non universitario de Galicia.

Proximamente vai comezar unha nova edición deste xogo en defensa da ecoloxía.

ESTADE ATENTOS/AS!!!!!!!

Tanto nesta web como no blog do colexio irá aparecendo información sobre o xogo.

Pronto presentaremos á mascota.¿Quen será?

Xa temos nome para a nosa radio: RADIO FALADORA. Este nome foi elixido polo alumnado entre as diferentes propostas feitas por eles mesmos/as.

Este mércores 22 de outubro emitirase para o colexio o 3º programa de Radio Faladora. Confiamos en que guste tanto coma os anteriores.

Este mércores 15 de outubro a radio escolar do CEIP Nosa Señora dos Remedios emitiu o seu segundo programa para o Colexio. A calidade da emisión xa é alta e a resposta por parte do alumnado está sendo moi positiva. 

Animamos ao alumnado e profesorado a participar nesta nova experiencia.

O noso colexio vén de ser seleccionado xunto con outros 22 para participar nun proxecto de investigación que levan profesores da Universidade de Santiago de Compostela da súa Facultade de Ciencias da Educación.

Este programa de investigación busca chegar o deseñar un programa de intervención adaptado ao alumnado estranxeiro e do que se vai beneficiar tamén o demais alumnado.

Coa participación en proxectos como este, o noso Colexio sitúase unha vez máis na primeira liña de innovación.

No Diario Oficial de Galicia de onte aparece a resolución da convocatoria de Plans de Autoavaliación e Mellora da Calidade para os centros de ensino non universitario.

Este ano tamén volveu a ser seleccionado o proxecto presentado polo noso colexio entre os aproximadamente 40 de toda Galicia que van desenvolver un Plan deste tipo neste curso 2008-09. Isto supón un novo pulo ao traballo que se está a facer no colexio cara un ensino público de auténtica calidade.

Temos que destacar que todo o profesorado participa neste Plan polo que está garantido o seu éxito.