CONTACONTOS INFANTIL

Enmarcada dentro das actividades levadas a cabo co gallo do 40º cumpreanos do noso colexio, o pasado 3 de abril os alumnos e alumnas de E. infantil e 1º Ciclo de Primaria, puideron gozar dunha xornada de CONTACONTOS.

A mostra desta actividade pódese ver na seguinte galeria de imaxes.

="0" ismap="ismap" />

O Luns día 27 de Abril, os nenos e nenas de 3º de Primaria, fixemos unha excursión a Vigo cos nosos mestres e mestras.
A nosa primeira parada foi a praia de Samil. Pero antes de chegar alí pasámolo moi ben durante a viaxe, xa que dende o autobús puidemos divisar a ponte de Rande, a zona franca de Vigo, as bateas, o porto ... Por certo, tivemos a enorme sorte de poder ver dende lonxe o cruceiro máis grande do mundo que estaba atracado en Vigo: “ Independence of the seas” !! Por este motivo a cidade estaba chea de estranxeiros, tamén coñecidos coma “guiris”. Unha das nosas mestras explicounos que os “guiris” sempre levan sandalias con calcetíns brancos, pantalóns cortos e unha mochila chea de mapas, comida, auga, toallas... aínda que faga un frío que pela, coma era o caso ese día!
Cando chegamos a Samil, merendamos e tivemos un dos recreos máis longos do ano. Xogamos e tamén demos unha volta polo paseo marítimo todos xuntos.
A media mañá dirixímonos ao centro da cidade para ver unha película de debuxos animados, da que disfrutamos enormemente, no recinto teatral de Caixa Nova.

Esperamos que vos gusten as nosas fotos!

MESTRES NO MUNDO DAS ARTES

Nestas últimas semanas levamos falado que no cole hai unha mestra que vén de publicar e facer a presentación do seu libro, ela como ben saben é Susana Lamela co seu libro xa coñecido por todos e todas "Soños de andel".

http://www.vigometropolitano.com/news/168/ARTICLE/15361/2009-04-04.html

http://lavara-libreria-infantiljuvenil.blogspot.com/

Pois agora temos que engadir que nesta semana que pasou, tamén, un mestre deste cole, vén de facer a presentación dunha curtametraxe, "El cumpleaños", na Universidade de Vigo, na cidade de Ourense, el é Daniel Cid.

http://www.megaupload.com/?d=BHP1P3V5

http://www.youtube.com/watch?v=csEaxq1j4jU

E no arte musical, dúas mestras, unha soprano, Iria Cuevas, que actuou o pasado xoves día 23 no Centro Artístico Sportivo da vila; e outra, Ruth Barros, que forma parte do Coro Obradoiro vocal “A Vila”, e actuaron o pasado sábado 25 no convento de Canedo.

Os nosos parabéns e felicitacións!!

Nestes últimos días, promovida dende o Equipo de Biblioteca, levouse a cabo unha actividade de contacontos, sendo mestras do noso Colexio quen fixeron estas sesións cos distintos grupos de alumnos/as.

De novo, foi unha actividade que resultou moi interesante e agradable para o alumnado.

Se pinchas no seguinte enlace, poderás escoitar o programa nº 22 de Radio Faladora, a nosa Radio escolar:

http://www.box.net/shared/9ychf0uccg

Xa podes escoitar o programa número 21 de Radio faladora, a nosa Radio escolar, se pinchas no seguinte enlace:

http://www.box.net/shared/u3x4t2s70d

ACTIVIDADES PARA FESTEXAR OS CORENTA ANOS DO C.E.I.P. NOSA SRA. DOS REMEDIOS.Venres 3 de abril de 2009. CONTACONTOS PARA E. INFANTIL E 1º CICLO DE E. PRIMARIA.   

O venres día 3 de abril Servando Barreiro xunto ao seu inseparable acordeón e a súa interminable imaxinación ofrecéronnos un inolvidable peche do segundo trimestre para todos os alumnos/as de E. Infantil e 1º ciclo.

Esta actividade está enmarcada dentro das que se organizarán para festexar o 40ª aniversario da nosa escola.

Pinchando no seguinte enlace poderás escoitar o 20º programa de Radio Faladora, a nosa radio escolar:

http://www.box.net/shared/nkdr3grjk9

Lembra que para escoitar todos os programas podes ir ao apartado de Radio Faladora desta web.

De seguido podedes ver unha composición con imaxes do libriño sobre o noso centro que se mando ao Colexio St. Charles de Londres

Pinchando no seguinte enlace podes escoitar o 19º programa de Radio faladora, a nosa Radio Escolar:

http://www.box.net/shared/gejqaz65yh