Logo de ter que aprazar esta carreira varias veces por mor do mal tempo, por fin este martes 15 de decembro puidemos celebrar a II Carreira Pedestre do Magosto, na que participou todo o alumnado do colexio. Fixéronse carreiras por cada nivel e ao final entregáronse medallas aos tres primeiros alumnos e ás tres primeiras alumnas de cada nivel.

Foi moi divertido para todos/as.

Si foches alumno/a ou mestre/a do colexio cóntanos algunha anécdota da túa estadía no colexio.

Podes facelo enviando a historia ao colexio.

Este venres 11 de decembro entregáronse os agasallos do Concurso de Relatos de Medo, organizado polo Equipo de Biblioteca do Colexio. Nel participaron alumnos/as do noso Centro.

Os gañadores foron:

SARA 3ºA
NURIA 4ºB
LUANA 4ºC
IVAN 5ºA
GABRIEL 5ºB
DIEGO 6ºA
NOELIA 6ºC
Tamén se entregaron agasallos a todos os participantes.

Visitade o blog orientaremedios e alí podedes ver novos artigos dentro da nosa Escola de Familia Virtual, sobre temas de moita actualidade.

Como acto central da celebración do 40º aniversario do noso Colexio para o alumnado, este 10 de decembro de 2009 Migallas teatro representou o seu espectáculo pedagóxico musical Canta connosco, tendo un importantísimo éxito entre o alumnado asistente.

Asistiu todo o alumnado do colexio, distribuído en dous pases. De seguido podedes ver algunhas imaxes do acto.

Pinchando no seguinte enlace , poderás escoitar o 38º programa de Radio Faladora, a nosa radio escolar, emitido hoxe 10 de decembro e que ten como tema central os Dereitos Humanos.

http://www.box.net/shared/ca706ualcp

Pinchando no seguinte enlace poderás escoitar o 37º programa de Radio faladora, a nosa Radio Escolar, emitido no colexio o 3 de decembro de 2009:

http://www.box.net/shared/08bt3y5oq0

O C.E.I.P. Nosa señora dos Remedios participou activamente nos III Encontros de Centros con Plans de Autoavaliación e Mellora da Calidade, celebrados en Sanxenxo o 3 e 4 de decembro de 2009, organizados polos Servizos Centrais da Consellería de Educación e O.U.

Alí presentamos a nosa experiencia do curso 2008-09, que tivo unha moi boa acollida entre os asistentes.

De seguido podedes observar fotos destes encontros.

O xoves 10 de decembro, para conmemorar o 40º aniversario do noso colexio, o grupo MIgallas actuará no colexio para o alumnado actual do mesmo, cun espectáculo didáctico musical.

Esperamos que o alumnado disfrute desta actuación.

O Obradoiro Vocal "A Vila" de Ponteareas, que ensaia no noso colexio, vén de acadar o 3º premio no moi importante Certame Coral "Villa de Avilés", no que participaron grupos corais de gran calidade.

Dende esta web queremos felicitalos por deixar o nome de Ponteareas moi alto e polo traballo que están a facer pola música.