Para finalizar o proxecto sobre O UNIVERSO, o alumnado de 5º realizou un laborioso traballo de investigación, en equipos cooperativos, sobre OS PLANETAS DO SISTEMA SOLAR.

NORABOA NENOS/AS, FIXÉCHEDES UN MAGNÍFICO TRABALLO!!

Aquí vos deixamos unha mostra das súas exposicións.

Co gallo do “Mes da Ciencia en Galego”, e como parte do proxecto anual do noso centro "Moito máis que xogo", o pasado 23 de novembro tivemos a gran sorte de contar coa presenza de Pedro Meira, exalumno do colexio e experto en creación de videoxogos.

A través dunha charla do máis amena e interesante, os rapaces e rapazas de 5º gozaron dunha xornada repleta de emocións. Aprenderon que o proceso de creación dun videoxogo consta de diferentes partes e nel participan gran cantidade de profesionais: os encargados do deseño, da parte da programación, da parte artística... Ademais, participaron coas súas ideas na creación dun posible videoxogo e déronse conta de que é un longo proceso e require de moitas horas de traballo.

GRAZAS PEDRO, POR ACHEGAR A TECNOLOXÍA E A CIENCIA AO NOSO COLE!!

O último venres de Outubro celebramos no cole o SAMAÍN. Durante os días anteriores xa estiveramos traendo cabazas decoradas coa temática deste curso, o XOGO. Ademais, cada clase creou unha rima terrorífica. Algunhas daban bastante medo...

Para completar esta celebración, puidemos vir disfrazados dos personaxes terroríficos que quixeramos. Foi moi divertido!

Neste mes de novembro, o alumnado de 5º foi o encargado da recollida e rexistro de datos meteorolóxicos na caseta do noso cole.

Como cada ano, somos moi responsables e estritos co rexistro, xa que os datos son utilizados por MeteoGalicia!!

NORABOA RAPACES, MOI BO TRABALLO!!

Aquí vos deixamos algunhas fotos.

O pasado día 22 de novembro, tivemos na escola un obradoiro chamado “FAI CLIC AO TEU BOCATA”.

Este obradoiro forma parte dun programa creado pola Consellería do Mar e ten un dobre obxectivo:  facilitar o coñecemento e consumo de produtos en conserva do mar de Galicia entre os nen@s da nosa Comunidade e  incidir e equilibrar as súas dietas alimentarias.

Aprendemos moitas cousas relacionadas cos animais mariños e descubrimos que podemos tomar bocatas saudables grazas ás conservas de peixes e mariscos. E a mellor forma de comprobalo foi degustando un apetitoso bocadillo de sardiñas, leituga e queixo.

RIQUÍÍÍÍÍÍÍSIMO!!!

O club de remo Mar de Bueu invitounos a visitar as súas instalacións e o venres 17 de novembro, aínda que chovía un chisco, collemos paraugas, chuvasqeiro e para aló fomos todos-as xuntos. Saímos andando por quendas, primeiro os de 5º de Primaria e logo os maiores do cole, os de 6º de Primaria.

Cando chegamos estábanos esperando Valente, Fátima e Iría que nos ensinaron todas as instalacións e como se podían empregar as distintas zonas e aparatos dos que dispoñían. Dividíronnos en tres grupos para ir rotando polos distintos espazos. 

Explicáronnos as partes fundamentais dun remo: pa, caña, tope e guión e o estrobo corda para agarralo ao tolete así como os distintos tipos de embarcacións según as categorías. Tamén onde fan os seus exercicios físicos e o foso onde practican en seco as distintas posicións e o manexo dos remos.

Gustounos moito coñecer algo máis deste deporte e disfrutar cos compañeiros-as dunha camiñada polo pobo preto do mar. Grazas Club Mar de Bueu.

Acorde con PDI do cole, Moito máis que xogo, o alumnado de terceiro e cuarto, tivemos un obradoiro de consumo responsable.

Agora que chega o Nadal, todxs estamos desexando ter xogos novos. Neste obradoiro  aprendemos a fixarnos nas etiquetas. Hai unha moi importante que se refire á seguridade do xoguete.

Somos moitxs aos que nos gustan os videoxogos. Aquí cobran relevancia as peguis, porque informan da idade recomendada e tamén que tipo de linguaxe utilizan, se son violentos, se son discriminatorios … 

Tampouco podemos deixarnos enganar pola publicidade, que usa trucos para atraer a nosa atención, como pode ser o uso de cores.

Os xoguetes e as cores non teñen xénero.

Rematamos o obradoiro facendo unha actividade plástica na que puxemos algunha pegui, par non esquecelas.

O consumo responsable tamén  pasa por seleccionar o que queremos pedir. O consumismo indiscriminado está tendo consecuencias moi graves no cambio climático.  

O luns día 7 de novembro viunos visitar Diego, un exalumno do colexio, en representación do Club Balonmán Bueu e a través do programa Xogade. A súa proposta era darnos a coñecer un pouco máis este deporte e por iso ofreceuse a organizar un par de sesións para os nenos-as de 4º de Primaria durante catro semanas seguidas. Ensinounos como agarrar e botar correctamente a pelota, os tipos de lanzamentos e pases que hai e algunha que outra regra para movernos axeitadamente pola pista. A verdade é que aprendemos un montón de cousas.

 Foi un experiencia moi DIVERTIDA e resultou XENIAL. Grazas Diego volve cando queiras.

Un ano máis  cando chega o” San Martiño trompos ó camiño” contamos coa visita dalgún dos compoñentes  da asociación Corredoiras e as castañas asadas de Ramón.

Veñen para  ensinarnos o seu valioso TESOURO,  a recomplilación de xogos populares e tradicionais da nosa cultura e doutras, moitos dos cales xa xogaban os nosos pais-nais, avos-as… noutros tempos.

Algúns destes xogos xa non se constrúen e son moi difíciles de atopar, pero aínda nos seguen  entretendo e divertindo a todos-as.

Grazas Correidoras polo voso tempo e por facernos pasar unha mañá diferente e moi divertida. Esperámosvos  para o vindeiro ano.

Ao principio de curso aproveitamos para facer un repaso da Prehistoria e tivemos a gran sorte de contar con dúas charlas de excepción e unha excursión a Campo Lameiro.

Na primeira charla, Ramón dounos unha explicación sobre “petroglifos”. Tamén nos contou como Martín e máis el reproduciron algúns deles no noso patio do colexio.

 Grazas Ramón por dedicarnos o teu tempo!

 Na segunda charla, contamos con Ángel Vieites Rúa, estudante de Historia pola Universidade de Vigo en Ourense e que foi alumno deste cole, para falarnos dos “estereotipos sobre a muller na Prehistoria”.

 Moitas grazas Ángel, continúa así e moito ánimo!

Para rematar, fixemos unha visita ao Parque Arqueolóxico de Arte Rupestre de Campo Lameiro onde aprendemos como rexistrar os petroglifos.