O profesorado que forma parte neste curso 2022-2023 do Ceip. Plurilingüe A Cristina quere darvos a benvida con este vídeo de presentación para que os coñezades un pouco máis. Benvidos ao curso 2022-2023!
|
|||
A Semana Europea da Mobilidade celébrase todos os anos do 16 ao 22 de setembro, e ao longo destes sete días desenvolveranse no concello de Carballo diferentes iniciativas. Un ano máis haberá andainas, rutas en bicicleta, xornadas lúdicas, chequeo da accesibilidade e promoción da mobilidade sostible para accións tan cotiáns como ir traballar ou mercar á feira. Tamén conta coa implicación dos centros escolares, que este ano serán escenarios da presentación do xogo Cicl-Ando Carballo, que conta con taboleiro, fichas, cartas e manual de instrucións para que os nenos e as nenas aprendan a moverse con máis seguridade polas rúas ao tempo que avanzan polo taboleiro de xogo. INFORMACIÓN NA WEB DO CONCELLO DE CARBALLO
|
|||
A Consellería de Educación vén de facer públicas no día de hoxe unhas recomendacións xerais para a xestión da Covid-19 (Instrucións conxuntas do 5 de setembro). En canto á ventilación dos espazos, realizaranse tarefas de ventilación cruzada durante 15 minutos ao inicio da xornada, ao remate, durante o tempo de lecer e durante as clases sempre que as condicións climatolóxicas o permitan. Polo que respecta á hixiene de mans, debe promoverse o seu lavado antes e despois de comer, despois de ir ao baño e despois do tempo de lecer. En relación ao uso da máscara, é obrigatoria no transporte escolar (saídas), por decisión persoal ou ante a presenza de sintomatoloxía compabible coa COVID-19. No seguinte adxunto podedes consultar dito documento. Grazas de antemán. |
|||
Todos/as os que formamos parte do Ceip Plurilingüe A Cristina queremos darvos a benvida a todas as familias que neste curso entrades a formar parte da nosa comunidade educativa e, por suposto, ás que xa formaban parte dela. Informámoslles que as clases para o curso escolar 2022-2023 comezarán o xoves, 8 de setembro. O horario será o habitual (agás 4º de E. Infantil que estará co período de adaptación) tendo en conta as seguintes consideracións especiais relativas á organización deste curso escolar no que: As entradas e saídas durante o curso escolar realizaranse de forma escalonada.
Nas entradas o alumnado non formará filas para entrar senón que, segundo vaia chegando ao centro, entrará directamente nas clases, tendo en conta a seguinte marxe horaria:
- Alumnado de E. Primaria: entrará só no centro entre as 8:55 (4º,5º e 6º E. Primaria) e as 9 h(1º,2º e 3º E. Primaria)
- Alumnado de E. Infantil: Entrará no centro, acompañado dun só familiar ás 9:05 h. As saídas realizaranse escalonadas entre as 13:55 (E. Infantil) e as 14:05 h ( E. Primaria) Cada curso terá unha hora e unha porta específica de saída. Premendo no seguinte enlace recóllese unha síntese destas entradas e saídas por cursos, así como as portas utilizadas. |
|||
O próximo Martes 6 de Setembro terán lugar as reunións iniciais das titoras dos cursos de Educación Primaria coas familias. Os horarios das reunións serán os seguintes:
* A reunión coa titora de 2º de E.Primaria celebrarase o luns 12 de setembro ás 16 horas. Un saúdo.
|
|||
O próximo Martes 6 de Setembro terán lugar no ximnasio do colexio as reunións iniciais das titoras dos tres cursos de Educación Infantil coas familias. Os horarios das reunións serán os seguintes:
Un saúdo. |
|||
Queremos informarvos do nomeamento dun novo equipo directivo do centro. O equipo é o seguinte:
Queremos agradecer a labor da nosa compañeira Paula ao fronte da dirección do centro durante este último curso e a axuda brindada no cambio de responsabilidades. Saúdos cordiais. |
|||
Todos/as os que formamos parte do Ceip Plurilingüe A Cristina queremos darvos a benvida a todas as familias que neste curso entrades a formar parte da nosa comunidade educativa e, por suposto, ás que xa formaban parte dela. O xoves 8 de setembro comezarán as clases no seu horario habitual de 9.05 a 14.05 horas. Esperámosvos! |
|||
Durante o mes de agosto, e para facilitar a atención a aquelas persoas que a demanden, a dirección deste centro entende cómo medio factible de contacto o correo electrónico do mesmo: ceip.acristina@edu.xunta.gal Moitas grazas. |
|||
A secretaría do centro permanecerá aberta:
XULLO: do 1 ao 15 de xullo
HORARIO: de 10:00 a 13:00 horas
Para calquer consulta ou aviso importante estará operativa ata finais do mes de xullo a dirección de correo electrónico:
Esperamos que desfrutedes do verán. Un saúdo.
*Durante o mes de agosto o centro permanecerá pechado.
|
|||
Xa está colgada no hall do centro a listaxe definitiva de fondo de libros para o curso 2022-23. As familias poderán pasar a retirar os cheques en horario de 10:00 h a 13:00 h a partires de mañá. |
|||
Xa está xerada a listaxe provisional de fondo libros. A información está publicada no hall do centro. Lémbrase que a esta listaxe provisional pode facerse reclamación durante os dous días posteriores ao día de publicación. |
|||
Hoxe finalizamos o curso escolar 2021-2022 e desde a Comunidade educativa do Ceip. Plurilingüe A Cristina dirixímonos a todas as familias para desexarvos unhas boas vacacións de verán. Non queremos deixar pasar o momento de agradecer o esforzo e dedicación dos nosos alumnos/as, dos mestres/as, e aos pais e nais por depositar a vosa confianza en nós. Bo verán! Vémonos de novo o 8 de setembro.
|
|||
O pasado luns día 20 o alumnado de 6º nivel de educación primaria celebrou nas instalacións do Pazo da Cultura o seu acto de graduación. Foi unha cita moi emotiva, chea de momentos inesquecibles. En primeiro lugar, os/as nenos/as interpretaron unha obra de teatro que levaba por título "Se quere ser curado, veña documentado". Logo, as titoras e as alumnas Noa e Lucía realizaron un discurso de despedida. Despois, tivo lugar a entrega de diplomas e, por último, os/as alumnos/as interpretaron "Terra" das Tanxugueiras. Para acceder ao enlace do vídeo conmemorativo, pulsade aquí ou descargádeo clicando aquí |
|||
O alumnado de infantil asistiu a un obradoiro de bechos que se chama "Toca, Toca" e impartido por Miguel Santamaría, que nos trouxo unha pequena parte da sua colección de bechos e explicounos as súas características, onde viven e moitas cousas máis, pero o mellor foi poder velos tan de cerca e aprender que temos que respetar todos os bechos da natureza. Aquí vos deixamos un video con algunhas fotos e unha noticia da prensa na que fala o protagonista.
https://www.lavozdegalicia.es/noticia/santiago/santiago/2022/04/30/miguel-santamaria-probe-llevar-bichos-vivos-colegios-respuesta-me-asombro/00031651295428844750213.htm |
|||
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- …
- seguinte ›
- última »
![CEIP PLURILINGÜE A CRISTINA RSS Distribuir contido](/centros/ceipacristina/misc/feed.png)