CEIP PLURILINGÜE A CRISTINA

Seguindo coas actividades enmarcadas dentro do proxecto "Medrando en saúde na Cristina" e incluídas no "Plan para a promoción dun estilo de vida saudable" este venres o alumnado de primaria recibiu a visita de Roi, un antigo alumno do centro que exerce como nutricionista na actualidade.

Roi explicounos como foron modificándose os hábitos alimenticios ao longo da historia, as diferentes alternativas que hai para elaborar almorzos saudables e os catro grandes grupos de macronutrientes. Ademais, puidemos comprobar a cantidade de azucre que teñen algunhas bebidas.

Hoxe o alumnado de 6º de Educación Infantil e de 1º de Educación Primaria foi convidado á Biblioteca Rego da Balsa de Carballo para escoitar as historias de Lilí Gruyére.

Os nenos e nenas pasaron un tempo moi entretido escoitando as historias de Lilí, procedente de Lonxedetodo, que cantou co seu Coelliño Branco, fixo pasatempos e ensinounos 3 contos moi especiais. 

Moitas grazas pola invitación! Foi un pracer!  Lilí, esperámoste de novo! 

Preparados/as para a noite máis terrorífica do ano? Os/as alumnos/as de 4º son uns pequenos chefs e prepararon unhas natillas monstruosas: as natillas Frankenstein!!

Animádevos a preparar estes divertidos e terroríficos dedos de bruxa para a noite de Samaín. Ao alumnado de 3º de primaria quedáronlles deliciosos!

O DOG vén de publicar, no día de hoxe, a Resolución do 5 de outubro pola cal se concede directamente a ampliación da axuda para adquirir material escolar (Orde do 29 de abril de 2022).

Dita resolución establece que aqueles/as que fóstedes beneficiarios/as do vale para adquirir material escolar por importe de 50 € para o presente curso, recibiredes un vale adicional de 25 €. 

O vale debe empregarse na libraría/establecemento antes do 1 de decembro de 2022.

A dirección do centro enviará unha mensaxe a través da aplicación ABALAR indicando as datas de recollida do vale.

Grazas de antemán.

O vindeiro luns día 17 o alumnado de terceiro e cuarto seguirá sumando receitas. Ollade o que van preparar!

No expositor de contidos da biblioteca do centro atoparedes unha selección de lecturas cheas de sorrisos e terrorificamente divertidas para Samaín.

O alumnado de primeiro elaborou unhas arañas de avena e coco, mentres que os/as cociñeiros/as de segundo empregaron o micro para facer un mug cake de plátano e chocolate. Uuuuummmm! Delicioso!!

Ollo con este temazo para celebrar o Samaín!!! É orixinal do noso compañeiro José, mestre especialista en educación musical. A letra combina o inglés e o galego xa que somos centro plurilingüe, cuns tintes roqueiros dignos das grandes estrelas musicais. A que esperades para cantala! 

Noraboa compañeiro e grazas por compartir o teu talento con nós!

 Pinchando na imaxe, escoitaredes a melodía. Nos arquivos adxuntos podedes descargar a canción e a letra. Todos/as a cantar!

Noraboa ao alumnado de 5º nivel de educación infantil por esta receita tan saborosa!!

Ola a todos e todas! Como xa sabedes o 28 de outubro celebrarase no noso centro a festividade de Samaín e de Magosto, por fin sen restricións pola COVID 19! 

Este ano realizaremos a merenda de castañas asadas e xogos tradicionais relacionados ca temática das castañas. 

Dende o EDLG elaborouse un tríptico con información relativa ó magosto e a información nutricional das castañas, para a promoción de estilos saudables de vida, xa que garda especial relación co proxecto de centro titulado “MEDRANDO EN SAÚDE”. Ademais, celebraranse durante todo o mes diferentes talleres sobre merendas terroríficas e saudables da man de “Atelier Arabela”.  

Por último, pero non menos importante, para a decoración do centro solicitamos colaboración entre as familias para elaborar máscaras terroríficas na casa.

Acordádevos que o día 28 de outubro podedes asistir ao centro vestidos ca vosa roupa máis terrorífica. 

Un saúdo!

Botállede unha ollada ao que van preparar os/as cociñeiros/as de 1º e 2º de primaria este luns. Riquísimo!!!

Ocres, amarelos e avermellados.
Parecen as cores dunha bandeira.
Pero atento… non te confundas!
Son as cores
dun outono que non agarda.

Este luns deron comezo os obradoiros de "Samaín Saudable". Os/as cociñeiros/as foron os alumnos de 5º e 6º de Educación Infantil que elaboraron unhas deliciosas piruletas terroríficas que, ademais de sans, conforman un dos doces apropiados para esta época.

A Asociación VIEIRO dentro da programación de PREVENCIÓN no ÁMBITO FAMILIAR, pon en funcionamento o programa “PAIS E NAIS NO OCÉANO EDUCATIVO”, destinado a pais, nais e persoas con responsabilidade familiar, que desexen informarse e formarse á hora de desempeñar a súa labor como educadores/as.

Este programa está composto por obradoiros impartidos por psicólogas e educadoras de Vieiro que buscarán dar as ferramentas axeitadas para saber navegar no océano educativo e distribuiranse do seguinte xeito:

- “CARTAS DE NAVEGACIÓN” (Habilidades sociais)

- “BUSCANDO O NORTE” (Disciplina positiva)

- “CADA BARCO TEN O SEU TIMÓN” (Normas e límites)

- “CAPEANDO O TEMPORAL” (Resolución de conflitos)

- “MAR DE REDES” (Novas tecnoloxías) 

-“MARIÑEIROS E MARIÑEIRAS” (Coeducación e igualdade de xénero)

Os obradoiros darán comezo no mes de Outubro. As sesións terán unha periocidade semanal, quincenal ou mensual segundo preferencia dos participantes e a súa duración será de hora e media. A inscrición pode facerse na Asociación Vieiro, chamando ao teléfono 981 75 61 61.