Requisitos das persoas solicitantes

• Ter 18 anos ou facelos no ano natural en que comece o ciclo formativo. Na convocatoria actual non hai límite superior de idade, segundo o establecido na disposición adicional primeira da ORDE do 14 de xuño de 2019 pola que se actualiza a oferta modular polo réxime de persoas adultas, nas modalidades presencial, semipresencial e a distancia, de ciclos formativos de grao medio e de grao superior de formación profesional en centros públicos da Comunidade Autónoma de Galicia para o curso académico 2019/20. (DOG do 21 de xuño de 2019)
• Cumprir os requisitos de acceso aos ciclos formativos establecidos no artigo 41 da Lei orgánica 2/2006, do 3 de maio, de educación, segundo a redacción dada pola Lei orgánica 8/2013, do 9 de decembro, para a mellora educativa, ou na disposición adicional terceira desta última lei, para poder matricularse en todos os módulos profesionais do ciclo formativo correspondente, e que se detallan no modelo de solicitude, no anexo I. Lémbrase que non é de aplicación o límite superior de idade que figura no anexo.
• Carecer da cualificación profesional obtida e recoñecida polo sistema de formación para o emprego ou do sistema educativo, requirida para concertar un contrato en prácticas para o posto de traballo ou a ocupación obxecto do proxecto.
• Non ter realizado con anterioridade un contrato de formación e aprendizaxe, e cumprir os requisitos establecidos na normativa laboral vixente para poder efectualo.
• Non ter superado ningún módulo profesional do ciclo formativo do proxecto solicitado, agás que fose cursando outro ciclo formativo.

Documentación

A solicitude de admisión, anexo I, deberá ir acompañada da seguinte documentación:

• A solicitude de admisión, anexo I, código de procedemento ED513A. Lémbrase que non é de aplicación o límite superior de idade que figura no anexo.
• Copia do pasaporte ou do documento de identificación da Unión Europea, cando non se dispoña de DNI ou NIE.
• No caso de non ter realizados os estudos ou as probas de acceso no ámbito da Comunidade Autónoma de Galicia, ao abeiro da Lei orgánica 2/2006, do 3 de maio, de educación, certificación académica en que conste o expediente académico e o depósito do título, de ser o caso, ou o certificado da superación da proba de acceso ao ciclo formativo ou da proba de acceso á universidade para maiores de 25 anos.
• Currículo co formato Europass, que se poderá elaborar no enderezo:
  https://europass.cedefop.europa.eu/es/documents/curriculum-vitae

Lugar e prazo de presentación de solicitudes

As persoas interesadas presentarán unha única solicitude, utilizando o formulario normalizado do anexo I, que se entregará nun dos centros que figuran na Oferta clasificada por concello, preferentemente no centro onde se oferte o ciclo para o que solicita admisión. A solicitude irá dirixida á dirección do centro educativo.

Se a persoa solicitante presenta máis dunha solicitude ou solicita máis dun proxecto, non se terá en conta a súa petición. Lémbrase que non é de aplicación o límite superior de idade que figura no anexo I.

As persoas que participen no proceso de admisión para os proxectos de formación profesional dual tamén poderán, se así o desexan, realizar a solicitude de admisión a ciclos formativos de grao medio ou de grao superior no réxime ordinario ou para persoas adultas, na modalidade presencial ou a distancia.

As persoas admitidas nun proxecto de FP dual quedarán excluídas, e non serán adxudicadas, no proceso de admisión a ciclos formativos no réxime ordinario ou no réxime para as persoas adultas. No caso de non seren admitidas en ningún proxecto de FP dual poderán continuar no proceso de admisión a ciclos formativos.

O prazo de presentación de solicitudes será desde o día 24 de xuño ata as 13.00 horas do día 2 de xullo de 2019.

As persoas con solicitudes admitidas deben informarse no centro educativo solicitado, antes do 9 de xullo, do proceso e datas de selección por parte da empresa ou entidade colaboradora.

• Calendario de admisión para FP dual
• Instrucións xerais do proceso de admisión para FP dual
• Oferta clasificada por provincia en concello (pdf)
• Oferta clasificada por familia profesional e ciclo formativo (pdf)

Listaxes do procedemento de admisión

• Listaxe provisional de solicitudes de Formación Profesional dual de grao medio
  Contra esta listaxe poderase presentar reclamación o 4 e 5 de xullo no centro de inscrición.
• Listaxe provisional de solicitudes de Formación Profesional dual de grao superior
  Contra esta listaxe poderase presentar reclamación o 4 e 5 de xullo no centro de inscrición.
• Listaxe definitiva de solicitudes de Formación Profesional dual de grao medio
• Listaxe definitiva de solicitudes de Formación Profesional dual de grao superior
• Listaxe de persoas admitidas e listaxe de persoas en espera de Formación Profesional dual de grao medio
  As persoas con praza adxudicada deberán matricularse no centro adxudicado ata o día 24 de xullo.
  - Modelo de solicitude de matrícula
• Listaxe de persoas admitidas e listaxe de persoas en espera de Formación Profesional dual de grao superior
  As persoas con praza adxudicada deberán matricularse no centro adxudicado ata o día 24 de xullo.
  - Modelo de solicitude de matrícula