IES Sofía Casanova |

Gañadores do V concurso de fotografía matemática

Mar, 25/06/2024 - 03:39

Presentamos as fotos participantes no concurso celebrado este curso 2023 - 2024.
Nela aparecen as fotos gañadoras e con accésit.Tamén podedes ler como La Voz de Galicia faise eco do noso concurso.
O vindeiro curso teredes os calendarios do curso coas fotos máis destacables nel, e ademais presentaranse as bases para participar na VI convocatoria deste concurso, así que ide observando a vosa contorna para participar con novas fotografías estas vacacións.
Bo verán e vémonos en setembro!

Clausura proxecto Talentos Inclusivos

Lun, 17/06/2024 - 04:59

Alumnado de 4º de ESO de Tecnoloxía asistiu á clausura da 4ª edición do Proxecto Talentos Inclusivos.

O proxecto ten o dobre obxectivo de fomentar as vocacións TIC entre estudantes de secundaria, bacharelato e Formación Profesional e, á súa vez, dar visibilidade a problemas cotiáns de persoas con parálise cerebral.

Nun formato de feira o noso alumando amosou os retos que fixeron: dous pulsadores adaptados inalámbricos e un soporte impreso en 3D adaptado para o móbil.la

Xunta, Código Cero, Galicia Express

Ferrolás sen máscara

Xov, 13/06/2024 - 02:24

"Ferrolás sen máscara". As voces femininas de Ferrol Traballo realizado polas alumnas e alumnos de 4º B e 4ª C na materia de Proxecto Competencial.

Na páxina Web creada por Nerea, Martín e Hugo podedes ver as biografías, entrevistas con especialistas, diálogos e xogos que estes alumnos e alumnas foron elaborando ao longo do curso.
Esperemos que disfrutedes deste percorrido pola historia de Ferrol e o noso agradecemento a todos os que desinteresadamente colaboraron neste proxecto, Carmen Cuesta, Orlando Jara, Henrique Dacosta e Manuel Pita.

Datas matrícula para o curso 2024-2025

Lun, 10/06/2024 - 03:14

x	luns	martes	mércores	xoves	venres	sábado	domingo		▪ Os sobres de matrícula son entregados polos titores ou recóllense en Conserxería.
u	10	11	12	13	14	15	16		▪ O horario de oficina para formalizar a matrícula é de 9:00 a 13:00 horas.
ñ	17 Prematrícula ABAU	18	19	20 2ºBach Só repetidores	21 2ºBach Só alumnado con todas as materias de 1º aprobadas.	22	23		▪ Seguro escolar: O importe do mesmo é de 1,12 € e procederase ó seu abono en secretaría no momento de formalizar a matrícula. Prégase traer o importe exacto, Os alumnos de 1º e 2º de ESO non pagan seguro.
o	24	25	26 2ºBach	27 1º Bach	28 1ºBach de Novo ingreso	29	30		A matrícula debe formalizarse cada ano escolar. De non entregarse o sobre de matrícula na data sinalada perderase o dereito á permanencia no centro.
	1 4ºESO	2 3ºESO	3 2ºESO e 1ºESO repetidores	4 1ºESO de novo ingresos	5	6	7	x u ll o	Información completa en pdf Prégase respeten o día asignado para cada curso.

eTwinning ¡Carnavales sin fronteras, risas que unen, alegría global!

Xov, 06/06/2024 - 17:55

Alumnado de 1º de ESO está a participar no proxecto eTwinning “¡Carnavales sin fronteras, risas que unen, alegría global!” a través de diferentes materias: Bioloxía e Xeoloxía, Proxecto Competencial, Lingua Galega e Tecnoloxía e Dixitalización.

Este proxecto sobre entroidos busca fusionar e celebrar a rica diversidade cultural das Marcas (unha rexión de Italia central), Galicia e País Vasco de maneira intercultural.

O noso alumando compartiu cos nosos socios, tradicións, receitas, disfraces, comidas... a través de vídeos, infografías, presentacións, fotos e xogos.

eTwinning: Technology Bridge

Xov, 06/06/2024 - 16:22

Alumnado de Dixitalización de 4º de ESO participou este curso no proxecto eTwinning “Technology Bridge: A Bridge to the World of Artificial Intelligence for Students” con socios turcos e portugueses.

Este proxecto, que emprega o blended learning, axudou ao alumnado a entender a codificación e a intelixencia artificial empregando ferramentas sinxelas. O alumnado fixo: chatbots, posters, presentacións, modelos de aprendizaxe automático...

Intelixencia artificial no IES Sofía Casanova

Xov, 06/06/2024 - 16:13

Alumnado de TIC de 1º de bacharelato participou nun estudio para evaluar un Sistema de Tutorización Intelixente (ITS) chamado Progtutor.

Os investigadores do CITIC, Francisco Bellas e Óscar Fontenla, xunto cun equipo de oito integrantes máis, estiveron impartindo clases semanalmente a o noso alumnado dentro dun proxecto do Ministerio de Educación que explora o uso da intelixencia artificial (IA) como ferramenta de apoio na docencia. Este proxecto, bautizado como ProgTutor, ten como obxectivo desenvolver un Sistema de Tutorización Intelixente (ITS) que proporcione aos estudantes un ensino personalizado da programación en linguaxe Python a través de simulacións robóticas.

CITIC, GCIENCIA, CODIGOCERO, LA VOZ DE GALICIA

Premios extraordinarios de ESO ao rendemento académico. Curso 2023/24

Xov, 06/06/2024 - 07:30

A Xunta de Galicia convoca os premios extraordinarios de educación secundaria obrigatoria ao rendemento académico correspondentes ao curso 2023/24.

1. Poderase conceder ata un máximo de 20 premios.
2. Cada premio non poderá exceder os 1.000 €.
3. O alumnado que obteña o premio extraordinario recibirá ademais un diploma acreditativo e o/a secretario/a do centro educativo onde estea depositado o expediente académico anotará nel a distinción.

O prazo de presentación de solicitudes estará aberto ata o 8 de xullo de 2024.
As solicitudes de participación presentaranse preferiblemente por medios electrónicos a través do formulario normalizado (anexo I) dispoñible na aplicación informática «PremiosEdu» , accesible desde a sede electrónica da Xunta de Galicia, ou directamente desde a propia aplicación «PremiosEdu». código de procedemento ED311D.

Máis información no DOG do 6 de xuño de 2024 e en https://www.edu.xunta.es/premiosedu