IES Ramón Cabanillas |

Escola de familias

Estimadas familias,

Tras a boa acollida da Escola de Familias do IES Ramón Cabanillas, dámoslle continuidade o vindeiro luns día 14 de novembro ás 20.00 horas na biblioteca do instituto.

Falaremos de comunicación, emocións e afectividade no acompañamento da adolescencia.

Gustaríanos contar con vós. En caso de ter dificultades de asistencia por conciliación ou por horario poñédevos en contacto con Silvia (a orientadora do centro) e trataremos de buscar alternativas nesta ou en vindeiras ocasións. A vosa presenza é importante.

Nais, pais, avoas, avós, irmás… toda a familia conta na educación das crianzas, animádevos a vir.

Importante: haberá merenda, en caso de contar con intolerancias alimenticias por favor comunicádeo á orientadora.

ONDE? Na biblioteca do IES Ramón Cabanillas

CANDO? O luns 14 de novembro de 2022 ás 20.00

Inauguración do 50° aniversario do IES Ramón Cabanillas 2022

Exposición na Biblioteca do Cabanillas

Este mes de outubro pódese visitar na Biblioteca do centro a recreación dunha aula dos anos 70. Ademais do mobiliario, cedido polo Museo Pedagóxico de Galicia (MUPEGA), pódense ver na mostra libros históricos do noso instituto e materiais do laboratorio de Física e Química e de Bioloxía e Xeoloxía. Esta mostra forma parte das actividades do cincuentenario do centro.

Calendario académico do IES Ramón Cabanillas 2022-2023

1 adxunto

LIBROS PARA O CURSO 2022/2023

EDUCACIÓN SECUNDARIA OBRIGATORIA-ESO

O noso centro mantense no Programa Edixgal, polo que o alumnado seguirá contando cun ordenador portátil dotado con libros dixitais na maioría das materias; e en base ao que marca a normativa vixente non terá acceso ás axudas de Fondo Libros.

No curso que empeza en setembro iníciase a implantación da nova lei educativa, a LOMLOE, razón pola que en algunhas materias que non están en Edixgal o alumnado terá que mercar libro, ao non estar adaptados á nova lei os libros cos que contamos no fondo de préstamo que temos no centro.

O listado de libros para ESO aparece no arquivo adxunto. Os libros que non aparecen terán que falar có profesorado en setembro dado que debido a que están pendentes de que as editoriais saquen os novos libros.

BACHARELATO

O listado de libros para o vindeiro curso escolar 2022-2023 atópase no arquivo adxunto.

2 adxuntos

2º premio no Certame de Banda Deseñada AX1 2021

O pasado venres 10 de decembro, a alumna do noso centro Blanca Fernández Portas gañou o segundo premio do Certame de Banda Deseñada AX1 convocado polo IES Arcebispo Xelmírez I de Santiago.

O xurado do certame fundamentou este segundo premio "tanto nos aspectos formais como na alta sensibilidade que transmite. A autora [...] presenta un debuxo limpo e suxerente cunha sucesión e xogo de planos ben escollida. A inxeleza no uso da cor e das imaxes crea un relato suxestivo que medra viñeta a viñeta".

O seu traballo será publicado proximamente xunto aos do resto de gañadores/as.

Noraboa á nosa artista!

E noraboa tamén aos departamentos de Lingua Galega e de Debuxo, que traballaron conxuntamente neste proxecto que deu como froito moitas outras grandes obras.

Consello escolar

Este curso toca a renovación parcial do Consello Escolar. O proceso ten varias fases e un calendario que veñen detallados no arquivo que se adxunta a esta entrada.

A primeira actuación que se debe levar a cabo é o sorteo público para elixir un profesor/a, un pai/nai, un alumno/a e un representante do PAS que formarán a Xunta Electoral do proceso.

Este sorteo público terá lugar o vindeiro 29 de outubro, ás 11:00h, e unha vez realizado, enviaranse as citacións para a constitución da Xunta Electoral.

Ao longo deste mes iremos informando de cada un dos pasos a dar e dos prazos para os mesmos.

Animamos a que as familias presenten as súas candidaturas, pois este é un órgano no que teñen voz e voto e poden influír en moitos aspectos relacionados coa escola.