Hoxe, 25 de novembro, o noso instituto desenvolveu unha serie de accións para conmemorar este día que nos pesa tanto ter que celebrar.

Alumnado de 2º de ESO desprazouse ó CEIP Magariños para ler e contar contos elixidos para este día. No Cabanillas distribuíronse pulseiras co lema gañador do concurso proposto a tal efecto, "Eu non son propiedade de ninguén", de Laura Oubiña de 2ºESO C. 

Remataron os actos cun minuto de silencio no pavillón polas vítimas da violencia de xénero no noso país, que suman unha cifra verdadeiramente insoportable.

Nin unha máis.

(Pica no título da noticia para avanzar páxinas e ver máis imaxes)

Esta semana o alumnado de 1º e 2º do Bacharelato STEM viaxa á Rioxa para documentarse de cara á elaboración do seu traballo de investigación. O destino da viaxe de estudos é o Instituto de Ciencias de la Vid y el Vino, así como as adegas Cune e Ramón Bilbao.

Pero as imaxes que nos chegan indican que haberá lugar tamén para as visitas culturais, tales coma os mosteiros de Yuso e Suso, San Millán de la Cogolla e Santo Domingo de la Calzada, as catedrais de Burgos e León, unha parada no xacemento de Atapuerca, e prevese a asistencia a unha obra teatral para unha das veladas logroñesas.

Picade no título para avanzar páxinas se queredes ver máis imaxes, que iremos subindo conforme nos vaian chegando.