DEPORTE INCLUSIVO

A través dunha serie de deportes que se programan para levar a cabo co alumnado de ESO, as persoas con discapacidade, xunto coas persoas profesionais de Misela, organizan actividades para practicar deportes inclusivos (badminton, baloncesto, tiros a portería e circuitos de psicomotricidade). Esta semana, acudiron ao noso IES e compartiron esta experiencia co noso alumnado de 2º de ESO.

Con esta actividade, trátase de favorecer a inclusión a través da práctica deportiva que contribúe a que o alumnado participante comprenda que as diferenzas son unha parte da vida.