Eventos

O alumnado de 1º e 3º de ESO asistiu na mañá deste luns 29 de xaneiro  a unha obra teatral UN DÍA CON LOS CLÁSICOS á Casa da Cultura de Porto do Son.

Esta obra recolle fragmentos de diversas obras clásicas como el Quijote, La vida es sueño, Don Juan Tenorio…

O alumnado puido actuar e interactuar cos actores durante a función...

O martes 30 de xaneiro, o alumnado de 1º de Bacharelato asistiu no Salón de Actos do IES a unha charla sobre a IDENTIDADE.

Ao longo da historia, tanto literatos coma filósofos ou psicólogos dedicaron moitos esforzos a conectar cunha intuición que en distintos momentos da vida se manifesta con lucidez. Podería expresarse así: non sei ben quen son porque non sempre me recoñezo. Tal intuición leva aparelladas unha serie de preguntas que preocupan desde os albores da humanidade: quen son? Podo coñecerme totalmente? Son responsable do que fago? Non son máis que variacións do clásico γνωθι σεαυτόν («coñécete a ti mesmo») do oráculo de Delfos. Tanto na literatura como na mitoloxía, estas preguntas desenvólvense dando lugar a varias figuras dominantes, como por exemplo o heroe, o dobre, o espello ou a sombra, protagonistas de relatos, contos e novelas.

Durante esta charla, o alumnado puido repasar varios exemplos desta variada produción literaria mediante algunhas claves interpretativas filosóficas e psicolóxicas coa finalidade de aprender a profundar no camiño do autocoñecemento e da aceptación de si mesmo.

Na xornada do luns 29 de xaneiro, o alumnado de 4ºESO da materia de Bioloxía e Xeoloxía realizou un estudo xeolóxico das praias da Lanzada, Bascuas e Vilalonga, na Península do Salnés, onde poideron observar estruturas xeolóxicas como pregamentos e fallas.

Completaron a xornada, visitando a cidade de Pontevedra.

Para ver máis fotos pulsar AQUÍ

Na xornada do luns 29 de xaneiro, o alumnado de 4ºESO da materia de Bioloxía e Xeoloxía realizou un estudo xeolóxico das praias da Lanzada, Bascuas e Vilalonga, na Península do Salnés, onde poideron observar estruturas xeolóxicas como pregamentos e fallas.

Completaron a xornada, visitando a cidade de Pontevedra.

O alumnado do ciclo medio de guía no medio natural e de tempo libre ven de realizar o bautismo de barranco na serra do barbanza.

Na Resolución Definitiva de centros beneficiarios das axudas a dotación económica do IES de Porto do Son resultou insuficiente para cubrir as demandas do alumnado interesado.

Durante o segundo recreo do 31 de xaneiro de 2024 foi realizada a selección seguindo o criterio establecido en acto público na Sala de Profesores do IES de Porto do Son e levantouse acta da mesma.

Para máis información pulsar na IMAXE.

Calquera persoa interesada poderá consultar a información completa no centro educativo.

Durante a mañá do xoves 1 de Febreiro, o alumnado de Economía de 4ºC/5ºA ESO/2º CICLO, asistíu a un charla impartida por Mª Pilar Piñeiro García, profesora na U.S.C sobre Economía Circular. 

Para achegar o alumnado de francés ás costumes socioculturais francófonas, o departamento de francés organizou uns talleres de elaboración de CRÊPES para celebrar a Candeloira.

Así, durante as horas de clase de francés arredor do 2 de febreiro, o alumnado preparou o moado, fixo e degustou as típicas crêpes doces recheas do que máis lles gusta: nocilla, nutella, doce de leite,...

O IES de Porto do Son participa na Campaña de Dinamización Lingüística da mocidade estudantil, con accións directas na contorna do alumnado:

AQUÍ TAMÉN SE FALA GALEGO! https://aquitamensefala.com/

Durante o mes de xaneiro o alumnado e o profesorado colaboraron na difusión da campaña do noso centro. Actualmente os/as alumnos/as participan de forma activa coma normalizadores/as lingüísticos/as levando os carteis do IES de Porto do Son por toda a súa contorna.

Moitas grazas a todos e todas pola vosa implicación e pola boa acollida desta campaña en todo o Concello!!

ENLACE PARA FOTOS

ENLACE PARA VÍDEOS

O IES de Porto do Son participa na Campaña de Dinamización Lingüística da mocidade estudantil, con accións directas na contorna do alumnado:

AQUÍ TAMÉN SE FALA GALEGO! https://aquitamensefala.com/

Dende o Equipo de Dinamización da Lingua Galega, o Equipo da Biblioteca e o Departamento de Lingua Galega e Literatura organizamos unha exposición no noso centro sobre O Seminario de Estudos Galegos, dentro dos actos de conmemoración do centenario da creación desta institución de alta cultura.

O alumnado da ESO realizou unha actividade de busca de información sobre o SEG a través do labor colaborativo, aprendendo a traballar en equipos.

Con esta actividade pretendemos mostrarlle ao alumando da ESO o labor determinante do Seminario de Estudos Galegos na construción da identidade galega e na modernización cultural e científica de Galicia.

 Para ver máis fotos pulsar AQUÍ

Dende o Equipo de Dinamización da Lingua Galega, o Equipo da Biblioteca e o Departamento de Lingua Galega e Literatura organizamos unha exposición no noso centro sobre O Seminario de Estudos Galegos, dentro dos actos de conmemoración do centenario da creación desta institución de alta cultura.

O luns, día 5 de febreiro, a Xunta de Galicia abrirá o prazo para inscribirse nas probas para a obtención dos títulos de ESO e Bacharelato para persoas adultas, o que posibilita que quen non obtivera estes títulos a través do ensino ordinario, poidan acceder a eles a través dunha proba libre.

Así pois, as persoas maiores de 18 anos interesadas en obter o título de ESO teñen de prazo entre o 5 e o 21 de febreiro para a inscrición en primeira convocatoria, e do 8 ao 18 de abril en segunda convocatoria. Os centros nos que se poderá presentar a solicitude son a EPAPÛ Eduardo Pondal (A Coruña), EPAPU Santa María de Caranza (Ferrol), IES San Clemente (Santiago de Compostela), EPAPU Albeiros (Lugo), EPAPU de Ourense, EPAPU Río Lérez (Pontevedra) e EPAPU Berbés (Vigo).

No caso das probas para a obtención do título de Bacharelato para maiores de 20 anos, o prazo de inscrición é do 15 ao 28 de febreiro. Os centros nos que se poderá presentar a solicitude son a EPAPU Eduardo Pondal (A Coruña), o IES San Clemente (Santiago de Compostela), a EPAPU Albeiros (Lugo), a EPAPU de Ourense, a EPAPU Río Lérez (Pontevedra) e a EPAPU Berbés (Vigo).

Para obter máis información, podedes pinchar nas seguintes ligazóns:

https://www.xunta.gal/dog/Publicados/2024/20240111/AnuncioG0655-040124-0001_gl.html

https://www.xunta.gal/dog/Publicados/2024/20240123/AnuncioG0655-050124-0002_gl.html

O luns 5 de febreiro, os alumnos de 1º Bacharelato disfrutaron dunha clase cultural en inglés impartida por un nativo. Nela tiveron a oportunidade de aprender sobre a diversidade dun país tan grande como USA, centrándose especialmente na poboación de orixe irlandesa. Foi unha actividade interactiva e divertida.  

O alumnado do ciclo realiza unha saída a pé dentro das actividades do módulo de organización de itinerarios. 

O alumnado de 1º de Bacharelato de Tecnoloxía e de 2º de Bacharelato de Economía de Empresa foron á fábrica de aluminio  “Cortizo “, en Padrón, onde se visitaron as instalación e viron o proceso de fabricación do aluminio.

Alumnado da materia de  Xeoloxía e Ciencias Ambientais de 2ºBacharelato e alumnado de 4ºESO, participou na XV Olimpíada Xeolóxica o 7 de febreiro na Facultade de Bioloxía de Santiago de Compostela.

Parabéns a Hugo Pouso de 2º de Bacharelato A  que quedou terceiro na competición individual!

O IES de Porto do Son preparouse para recibir a San Valentín!

O alumnado dispón dunha ampla colección de literatura e cine na entrada da Biblioteca. 

Ademais puido escribir as súas cartas de amor ou amizade. Estas atópanse ao carón da furna que está na conserxería, onde se poideron depositar o 7, 8 e 9 de febreiro; e que foron entregadas o 15 e 16 de febreiro.

Máis información e fotos AQUÍ 

O IES Porto do Son está xa preparado para recibir a San Valentín!

Entre temporais e choiva celebrouse o Entroido un ano máis no polideportivo.

Este ano, todos os niveis tiveron representación nas diferentes comparsas.

Grazas á participación do alumnado, a un equipo de son e uns presentadores sen parangón puidose disfrutar dunhas horas de festival carnavaleiro...

Despois dunha difícil deliberación do xurado, saíron os gañadores do Entroido 2024...

1º Premio da 1ªCategoría (1º a 3º de ESO) foi para o grupo: BISTIPOI ON FIRE

2º Premio da 1ªCategoría (1º a 3º de ESO) foi para o grupo: DIVINAMENTE DIVINAS

1º Premio da 2ªCategoría (4º de ESO / BACHARELATO / CICLO) foi para o grupo: O CIRCO DO SON

2º Premio da 2ªCategoría (4º de ESO / BACHARELATO / CICLO) foi para o grupo: OS TROLLS

O festival rematou coa actuación do grupo de profes mais marchosos do Instituto, que nos trasladaron por un momento aos anos oitenta...

Para ver máis fotos, pulsar AQUÍ

Mais fotos do Entroido...

Sáida de 40km en bicicleta de montaña pola contorna da comarca do barbanza, o alumnado do ciclo sigue formándose para o guiado de actividades en montaña

O alumnado do ciclo ven de facer o segundo barranco para a súa formación no ciclo

Durante a mañá do mércores 21 de febreiro algúns alumnos de 2º, 3º e 4º de ESO participaron na primeira proba do circuíto de deporte escolar na modalidade de Orientación clasificatoria para a fase provincial no campo de fútbol de San Lázaro en Noia.

 Para ver fotos dos clasificados, pulsar AQUÍ

Durante a mañá do mércores 21 de febreiro algúns alumnos de 2º, 3º e 4º de ESO participaron na primeira proba do circuíto de deporte escolar na modalidade de Orientación clasificatoria para a fase provincial no campo de fútbol de San Lázaro en Noia. 

No IES Porto do Son celebramos o DÍA DE ROSALÍA, a conmemoración do 187 aniversario do seu nacemento, o 23 DE FEBREIRO de 1837. Levamos a cabo moitas actividades para poñer en valor a gran figura das nosas letras, referente indispensable da nosa cultura. Realizamos varias exposicións, recreacións de poemas de Rosalía do alumnado de 3ª da ESO, mostra de obras da autora e de poetas que seguen o ronsel rosaliano etc. Durante os dous recreos, na entrada do centro e na biblioteca, puidemos escoitar a varios artistas que musican a Rosalía. Ademais, fixemos chegar a autora a todas as aulas a través de actividades e dispuxemos dunha sección de poemas para levar, facendo deste xeito que Rosalía acompañe o noso alumando alén do noso centro.

Máis fotos AQUÍ

Durante a mañá do martes 27 de febreiro tivo lugar a Segunda fase na competición escolar de campo a través. A ela só accederon os alumnos e alumnas clasificadas na fase zonal. No caso do noso IES, foron 5 (2 nenos, de 1º e 2º da ESO e 3 nenas de 2º da ESO). A proba desputouse no circuito de San Lázaro, en Noia.

Parabéns ás rapazas de 2º de ESO que conseguiron quedar no 3º posto por equipos e a Carmen Paz que conseguiu o 1º posto en individual!

Máis fotos AQUÍ 

Segunda fase na competición escolar de campo a través en Noia.

O alumnado do ciclo ven de realizar o módulo invernal da súa formación en cabeza de Manzaneda.