Eventos
O xornal La Voz de Galicia recolle os éxitos do noso compañeiro e profesor David Gaciño como promotor do cabalo galego nos Raids e como adestrador de renome internacional. Un luxo para o noso centro contar coa valía deste docente! El e o equipo que leva a formación profesional no IES de Porto do Son están a coverter o ciclo de Condución de Grupos no medio natural nun referente en Galicia!!! Aquí podedes ler a reportaxe.
O sábado 17 un grupo de alumnos e alumnas representaron os nosos clubs de lectura na X Xornada dos Clubs de Lectura que organiza Bibliotecas Escolares, en cuxa páxina podedes ler a repercusión que tivo nos centros e na prensa. No blog da biblioteca tamén contamos a actividade, unha celebración excepcional da lectura.
Dúas horiñas de limpeza e organización, algunha que outra recuperación e... Festa de final de curso!!!
Inauguramos a Pulpusha, a lámpada que creou o alumnado de 1º de ESO feita coas botellas de plástico que foron recollendo no proxecto da auga. Xa forma parte do noso insti!
Xogouse unha emocionante final de fútbol-sala entre 2º de ESO e 1º de Bacharelato. Durante todo o mes houbo partidos nos recreos. Grazas a todos os participantes e parabéns aos finalistas e, claro está, a 1º de Bacharelato pola vitoria!!! Aquí os vemos xuntos celebrándoo:
Nagay, alumno do ciclo puxo a medio insti a bailar cunha intensiva sesión de zumba! É unha sorte poder contar con xente tan implicada!
Despois de moito traballo nas clases de tecnoloxía, o alumnado de 2º de ESO, o de 4º de ESO e a nosa compañeira Paloma, pecharon o día de festa coa xa tradicional carreira de robots e lanzamento de cohetes! Mirade que chulos quedaron! E a diana!
O ano que vén, máis!!!
![Events at <em>IES Porto do Son</em> Distribuir contido](/centros/iesportoson/misc/feed.png)