Estamos participando no proxecto ECONOIA coa Cofradía de Noia, elaborando un documental sobre o traballo de limpeza da nosa ría que está facendo este colectivo. Ese documental inclúe imaxes da limpeza e entrevistas ás persoas implicadas no proxecto.
O proxecto conta co apoio da Consellería do Mar e o documental resultante será proxectado na mostra Mares da fin do mundo o día 1 de novembro na Casa de Cultura de Outes.
O alumnado de Plástica de 4º ESO, xunto con Tamara, participou no proxecto de achegamento ás embarcacións tradicionais, participación que tamén lles serviu para acadar coñecementos sobre a elaboración de cortos e documentais con dispositivos móbiles.
Froito disto temos un documental que se proxectará o día 1 de novembro na Casa de cultura de Outes dentro da mostra Mares da fin do mundo.
O vindeiro luns 19 comezaremos coa hora de ler, aquí tedes o enlace ao calendario.
Aquí podedes consultar os libros de texto para o curso 2022-2023, aínda que recomendamos agardar a setembro para confirmar co profesorado de cada materia o uso do mesmo.
Para a compra dos libros de francés en formato dixital consultade as instrucións dispoñibles na sección departamento de francés.
LISTAS ACTUALIZADAS EN SETEMBRO 2022 COS CAMBIOS E INDICACIÓNS DOS LIBROS DE 2º e 4º de ESO DISPOÑIBLES EN PRÉSTAMO. O PRÉSTAMO REALIZARASE A PRÓXIMA SEMANA.
O alumnado de 4º de ESO realizou unha viaxe a Cantabria entre o 24 e o 28 de xuño.
Preme na IMAXE para ver polo miúdo algunhas das últimas adquisicións e novidades da biblioteca.
Non esquezas que podes levar libros e/ou películas para o período estival!!
Dende que falamos en ESA dos Petróglifos aló polo mes de setembro, tiñamos pendente unha visita aos que hai no concello. Despois de adiar a saída varias veces por cuestións laborais e meteorolóxicas, este venres por fin, puidemos visitar os Petróglifos de Fontemoureira. Temos que agradecerlle a protección civil do Concello que nos acompañasen e facilitasen o acceso a todo o alumnado, e máis a Nacho, o técnico de turismo, que nos ilustruo sobre os petróglifos e máis outros elementos patrimoniais do concello e da comarca.
Non quixemos deixar pasar a prórroga do ano santo compostelán sen facer a pé un anaquiño do Camiño de Santiago. E como o camiño é tamén cultura e arte, aproveitamos para visitar as Cubertas da Catedral e máis o Pórtico da Gloria. A verdade é que tivemos un día espectacular!
SE TÉS 18 OU MÁIS ANOS E NON TES A ESO, POR QUE NON SACALA NUN HORARIO QUE O TRABALLO E A TÚA VIDA CHO PERMITAN?
INFORMACIÓN SEN COMPROMISO NO PROPIO IES (MAÑÁN E TARDE), NO TELÉFONO 881866221 E NO CORREO ies.poeta.anon@edu.xunta.gal
SOLICITUDE DE PRAZA NO IES , DO 1 AO 15 DE XUÑO
Pídencho como requisito para algúns traballos, mellora o teu currículum, permíteche obter o CELGA 3, mellora a túa autoestima persoal,
e seguro pasas unha temporada moi agradable no Instituto, como así o levan facendo outras moitas persoas antes que ti que quedaron encantadas co seu paso pola ESA.
Ata o día 22 de xuño as familias poderán solicitar a axuda para material escolar (50 €) que a Consellería vén de publicar.
Pódese consultar a información pinchando aquí (información).
E para acceder á aplicación Fondo libros dende a que se solicita a axuda podedes pinchar aquí (solicitude).
Xunta de Galicia - Consellería de Educación, 2013 | ||
