IES Poeta Añón

Pinchando en cada unha das imaxes poderedes ver os magníficos cortos-entrevistas que o noso alumnado fixo sobre estes catro TALENTOS DE OUTES.

MOITÍSIMAS GRACIAS AOS CATRO POR PRESTARSE A ESTA INTERESANTE ACTIVIDADE!

O ALUMNADO DE 4º QUE VAIA INICIAR BACHARELATO OU FP NO VINDEIRO CURSO 23-24 DEBE FACER A RESERVA DE PRAZA PARA O CENTRO NO QUE QUEIRA MATRICULARSE.

Máis información pinchando na seguinte imaxe. 

O alumnado de 4ºESO foi recibido no pazo das Torres do Allo, situado no Concello de Zas, que pasa por ser o máis antigo de Galicia, aínda que non teña o mérito de ser o exemplo de propiedade fidalga mellor conservada. Os seus elementos: a capela, o pombal, as terras, as casas das familias labregas…foron deslindándose co pasar do tempo. Mais é iso precisamente o que nos permite explicar a vida cotiá durante o Antigo Réxime en Galicia e o seu final. Visitar espazos patrimoniais axuda a entender mellor a nosa Historia

O alumnado de 2ºESO participou dunha saída didáctica para visitar o castro de Viladonga e Lugo. En primeiro lugar, participaron nun obradoiro de arqueoloxía no que se familiarizaron co entorno dun xacemento arqueolóxico e elaboraron o seu caderno de campo medindo estruturas e lanzando hipóteses a partir dos restos encontrados nelas. A seguir, e guiados polo persoal do Museo do Castro de Viladonga, puxeron en común as súas ideas que non ían nada desencamiñadas. Temos bos e boas investigadoras no grupo!

Despois do xantar, completamos este percurso no Lugo romano para entender que foi alí onde dúas culturas se encontraron e influíron mutuamente. Comprobámolo na sala de exposicións Porta Miñá sobre a construción da cidade e a súa muralla. Despois, na Domus do Océano, baixamos ao rocho dun edificio da zona histórica para observar os alicerces dunha casa patricia inmensa, moi decorada e con calefacción!

O alumnado completou unhas tarefas sobre estes contidos e acabamos a xornada camiñando parte da muralla, que é Patrimonio da Humanidade desde 2000 por ser o mellor exemplo de fortificación do final do Imperio romano conservado en Europa.

Na aula de Historia, a través dalgúns petiscos que hoxe identificamos coa dieta mediterránea, tivemos a oportunidade de coñecer parte da alimentación habitual na Hélade, razoar xuntos que actividades económicas facían posíbel a obtención daqueles produtos e saber máis sobre cerámica grega e o seu uso nun banquete típico.

Tivemos unha aula ben saborosa!

Preme na imaxe para ver as últimas novidades da biblioteca. Propoñémoste que aproveites as vacacións de Nadal para levar algunha a casa.

Á volta das vacacións de Nadal retomaremos a actividade da Hora de Ler, recordade que nesta avaliacíon realizarase os martes.  Aquí tedes o enlace ao calendario.

Aquí podedes ver ós gañadores do concurso realizado pola BIBLIOTECA  en colaboración co departamento de BIOLOXÍA na semana das MULLERES NA CIENCIA. Noraboa ós gañadores e tamén a tódolos participantes !!!!!

José Lago e Santiago Rodríguez de 4ºESO e Álvaro Domínguez de 3ºA.

O venres 11 Día de San Martiño no IES POETA AÑÓN disfrutamos dun Magosto moi soleado.

Alumnas de 4º de ESO venderon deliciosos doces e coa axuda de traballadores do Concello puidemos tomar castañas asadas.

O alumnado, algunhas profesoras e o profesor de EF puideron probar as súas habilidades con moitos xogos populares.

A nosa directora vixiou dende as alturas

A profesora de música e o seu alumnado organizaron un karaoke de cancións populares galegas.

Ata houbo quen gañou un vale de 30 euros para gastar en roupa o tenda de deportes so por probar os distintos xogos.

Parabéns a todos os colaboradores da organización!