EDLG

Equipo de Dinamización de Lingua Galega

O MÍTICO APALPADOR CHEGA A BURELA

Xov, 13/01/2011 - 15:44 — karina

O Apalpador, a mítica figura do Nadal Galego, chega a Burela e faino da man da Concellaría de Industria e Comercio do Concello de Burela e dos Equipos de Dinamización Lingüística dos institutos da localidade: os IES Monte Castelo e Perdouro.
Mañá venres, ás 11:15 horas, na Biblioteca do IES Perdouro, Miruca Parga e Carme Cociña, coordinadoras dos Equipos de Dinamización Lingüística nos centros de ensino secundario de Burela, e Xosé González Legazpi, concelleiro de Comercio e Turismo, presentarán esta campaña de Nadal que beneficiará os establecementos comerciais da localidade.

Tal como xa fixeran en anos anteriores, os institutos e o concello colaborarán co comercio local ofrecendo unhas etiquetas coa figura do Apalpador. Estes adhesivos están destinados a embelecer os envoltorios das compras de Nadal.

332 lecturas

AUGUSTIN FERNÁNDEZ PAZ REXEITA O PREMIO DA CULTURA GALEGA DAS LETRAS

Mér, 17/11/2010 - 15:42 — karina

Augustín Fernández Paz rexeita o Premio Cultura Galega das Letras logo da serlle outorgado. Acóllese aos motivos de Prolingua para argumentar a súa negativa a aceptar o galargón:

Ante a convocatoria da Consellería de Cultura e Turismo dos «Premios da Cultura Galega», manifestamos que nin a actual Xunta nin o seu Presidente, responsables ante a Historia de lexislaren por vez primeira contra a nosa lingua, e polo tanto contra o marco xurídico e fronte ao consenso que posibilitou a súa presenza pública, poden atribuírse agora o papel de benfeitores da cultura galega.

Coñecer máis sobre os premios outorgados no Xornal.com

296 lecturas

A MEMORIA DA LINGUA

Xov, 21/10/2010 - 20:30 — karina

Avance do documental sobre a memoria lingüística do galego realizado por As Candongas do Quirombo.

330 lecturas

EN GALEGO TAMÉN SE FAI CIENCIA

Lun, 07/06/2010 - 18:26 — karina

A campaña En Galego tamén se fai ciencia, que lanzaron as tres universidades galegas, ten como eixo central erradicar preconceitos e complexos de inferioridade. Atoparedes testimuñas de ilustres científicos que reivindican e exercen un uso normal do galego no seu día a día.

Esta presentación é o recurso didáctico elaborado pola Coordinadora Galega de Equipos de Normalización e Dinamización Lingüística que explica as consecuencias do decreto.

DECRETO

View more documents from Bergantera.

197 lecturas

RESULTADOS DA VOTACIÓN PARA A PORTADA DE MARUXÍA Nº 16

Xov, 27/05/2010 - 14:14 — ies.perdouro

Os resultados da votación foron os seguintes:

a portada ganadora foi a número 2 con 80 votos
a número 4 conseguiu 27 votos
a número 1 contouo con 22 votos, e
a número 3 foi votada por 11 persoas

A número 2, elixida por vós como a mellor do ano 2010, figurará como portada da revista.

Parabéns para Mónica Cortiñas Pardeiro de Perruquería, autora da imaxe.

222 lecturas

VOTACIÓN PARA A PORTADA DE MARUXÍA Nº 16

Xov, 06/05/2010 - 09:54 — Anónimo

Estas son as portadas elixidas entre as que se presentaron para publicar a edición da revista deste ano. Tedes a posibilidade de elixir a que para vós sexa a mellor. Todo o alumnado do IES Perdouro pode facelo. Só tedes que ir á conserxería, dicir o voso nome e introducir na urna unha papeleta co número 1, 2, 3 ou 4. O prazo está aberto desde o 7 ata o 21 de maio.


Portada nº 1	Portada nº 2



Portada nº3	Portada nº4

204 lecturas

Xoga, disfruta e divírtete

Dom, 02/05/2010 - 17:29 — karina

Catapalabras	O Preguntorio
Trivial	O Aforcado de San Xoán
Letrados	Os Quebracabezas
A Curuxa	Desfachicabola
Entretemento Cultura Galega

223 lecturas

ORGULLOS@S DO NOSO

Ven, 12/03/2010 - 09:17 — ies.perdouro

202 lecturas

CONVOCATORIA PARA A PORTADA DE MARUXÍA

Xov, 25/02/2010 - 17:46 — miruca

O que desexe presentar a súa portada para a revista do curso 2009-10, debe facelo enviándoa por correo electrónico ao enderezo portadamaruxia@gmail.com

A data límite para mandala é o 6 de abril de 2010. Os responsables da redacción da revista realizarán unha selección das portadas de maior calidade e todo o alumnado do centro terá a posibilidade de votar para elixir a que considere mellor.

Participa! A túa portada pode ser a gañadora!