Obradoiro de poesía con Carlos Negro
- 47 lecturas
Horto escolar e xeoloxía práctica
A ver que rica colleita temos en poucos meses no horto escolar!
Podedes acceder a máis imaxes AQUÍ.
O alumnado de 4º ESO modelou con plastilina exemplos de diversas formacións rochosas nas que se aprecian as fracturas das fallas e as dobreces dos estratos nos pregamentos.
Podedes ver uns traballos ben vistosos AQUÍ.
- 85 lecturas
Faladoiro con Bibiana Candia, autora de "Azucre"
O luns 21 de novembro recibiremos na biblioteca á escritora coruñesa afincada en Berlín Bibiana Candia, autora da novela "Azucre".
A novela relata ficcionalmente a expedición de 1.700 galegos a traballaren como escravos en Cuba, promovida por Urbano Feijóo de Sotomayor.
A ficción de base histórica foi merecedora de varios recoñecementos:
- Premio Nollegiu ao mellor libro de narrativa en castelán 2021,
- V Premio das Librerías de Navarra ao mellor libro en castelán de 2021,
- Premio á mellor obra escrita en castelán no 35 Festival du Premier Roman du Chambéry ,
- Premio Espartaco 2022 á mellor novela histórica na Semana Negra de Xixón.
Se queres achegarte o proceso de investigación e redacción da novela, mira a seguinte entrevista:
- 154 lecturas
Premio ao Proxecto con metodoloxía científica concedido pola Asesoría de Bibliotecas Escolares
Acabamos de saber que o noso proxecto "Construbot_Comeza a partida" de 4º de ESO no curso 21-22 foi recoñecido co Premio aos Proxectos con metodoloxía científica no VIII CONCURSO DE TRABALLOS POR PROXECTOS baixo a coordinación (ou coa participación) da biblioteca escolar. Estamos moi ilusionados co premio!!!!
- 108 lecturas
Ruta "Coñece a túa vila" con podcast incluído
- 256 lecturas
Obradoiro de poesía con Carlos Negro
![](https://blogger.googleusercontent.com/img/b/R29vZ2xl/AVvXsEjtH49z93FMB0vtp_BAwiWfnIv_-VBo8I9YbcoI0iEPE4li2SzE7sM3rcnPEl9vEPNqZAE8wteiw7C-rOHFgh1Z1niDDOII0_SS1upqc94KXj5kze4NKYXFw_lqJ6A7Is0Wl880MkOccq3cCv67_Sf-9iyeRovCxntt8OkYFKnezftvpuIiCBr8xQ/s320/Obradoiro%20de%20poes%C3%ADa.png)
Poesía:
- Makinaria (2009). Xerais.
- Penúltimas tendencias (2014). Xerais.
- Masculino singular (2016) Xerais.
- Aplicación instantánea (2018), Xerais.
Narrativa:
- Non cantan paxaros neste bosque (2021). Xerais.
- 79 lecturas
Visita a Samos e ao Cebreiro
![](https://blogger.googleusercontent.com/img/b/R29vZ2xl/AVvXsEjTOsKL7rcV6XkVUbK1Q2Gy9ersCIvYDAgKFDaKDfcmkm4AYiBSiy08noZgCNMBVW7lCti-BW-brsAuE1BXof_BZ5auva468aKBhUNRoly28dGG7ujZZOZITA69TyqP75VY0BFLXO4MWJssFxeUdFqFuP7POVUohwLaPrRcyl2LQxVsffkVFx-wPw/w400-h211/IMG_20221014_115713.jpg)
Contounos que o mosteiro era beneditino e que os monxes viven dentro e saen moi pouco. O estilo da fachada é fundamentalmente barroco. Ten columnas pareadas e simétricas e un óculo xusto encima de San Bieito (figura situada enriba, no medio da fachada). O fundador foi San Martiño de Dumio.
O irmán Lorenzo, que así se chamaba a persoa que nos fixo de guía, explicounos por que partes estaba formado o edificio.
Se queres seguir lendo a crónica, podes ir ao blog Perdourando.
Podes acceder ao álbum de imaxes AQUÍ.
Alba Fernández Quelle - 3º ESO A
- 121 lecturas
Comeza o mes da ciencia en galego
Desde Igaciencia ofrécennos unha serie de videoconferencias:
- O verán do 2022, extremos climáticos sen control? "De como as ciencias básicas poden axudar a predicir o clima" Francisco Díaz-Fierros Viqueira, catedrático de Edafoloxía e Química Agrícola da USC, da RAGC. Día 4 de novembro, ás 12 horas.
- Mergullámonos no óceano do futuro? Emilio Fernández Suárez, catedrático de Ecoloxía da Universidade de Vigo. Día 21 de novembro, ás 12 h.
- A pegada do home e os seus efectos na xeomorfoloxía de Galicia. Dr. Fran Canosa, divulgador da Xeoloxía de Galicia. Día 25 de novembro, ás 12 h.
- Cambio climático e sistema alimentario. Por Dr. Luís Díaz Allegue, investigador. Día 28 de novembro, ás 12 horas.
- 68 lecturas
Intercambio do Departamento de Francés co Lycée René Descartes de Rennes
Emprendemos novamente os intercambios do dpto. de Francés e contamos para este ano co Programa EduExchanges.
Novo socio: Lycée René Descartes de Rennes, capital da Bretaña francesa.
Témoslles preparado un completo programa de actividades.
Son 36 alumnos de 2º de bach Bachibac que acollemos en Burela nas casas do noso alumnado de 1º de Bach. do 13 ao 20 de outubro de 2022.
Día 1 - Acollida en Burela (14/10/22)
María José Pardiñas, directora, recibiu na biblioteca do centro o alumnado de 2º de bacharelato Bachibac acompañado polos seus profesores Raoul Gómez e Paúl Coronado. Entregoulles un dossier informativo das visitas por Galicia ao longo da súa estadía. Logo o grupo visitou o barco museo Boniteiro da mán de Lino e tamén coñeceu de preto o traballlo artesanal das Redeiras.
Día 2 e 3 - Fin de semana en familia
Día 4 - Viaxe a Santiago (17/10/22)
Non podía faltar no programa a visita a este conxunto patrimonio mundial da humanidade. Foi un día de paseo polas rúas do casco antigo, polo interior da catedral, polo claustro, museo e polas cubertas para terminar cunha contemplación da obra faraónica do mestre Mateo, o Pórtico da Gloria.
Día 5 - Costa da Mariña (18/10/22)
Un día soleiro esperaba polo grupo en Sargadelos onde visitaron o complexo histórico guíados polo noso compañeiro Toño Blanco e entraron na tan prestixiosa fábrica para observar todo o proceso de fabricación desta valiosa cerámica.
Xa en San Cibrao, interesáronse pola Carpintería de Ribeira de Francisco Fra e pola colección do Museo do Mar.
Logo de xantar na praia xunto a Maruxaina, viaxaron ata a praia das Catedrais onde mollaron mais cos pantalóns!!!!
Día 6 - Burela Despedida (19/10/22)
Unha mañá de moita auga e vento truncou o programado. Pero na biblioteca tiñamos plan B para os bretóns: primeiro resolveron por equipos un scape room sobre igualdade que tiña preparado a nosa coordinadora pola Igualdade Carmen Sampedro. Mediron as súas destrezas e axilidades cos xogos de mesa da aula PT que lles deixou Pilar Cebeiro. Foron polas aulas do centro e coñeceron algún taller.
Pasaron o recreo no centro, houbo sesión de fotos. Remataron a mañá nun encontrro institucional no concello onde Alfredo LLano lles convidou a volver.
Da derradeira tarde noite por Burela, sabemos que ata tarde estiveron ceando e paseando.
Accede aquí a completa reportaxe fotográfica.
Accede aquí a pequena crónica na web do Lycée Descartes.
- 241 lecturas
Viaxe a Palas de Rei e Vigo do alumnado de ciclos de Administrativo
![](https://blogger.googleusercontent.com/img/b/R29vZ2xl/AVvXsEioPAn6uMuSccLOPGzQACWX-oGZubYvUvfKgFPHk-ERP53PRNJ34Vlzo1tO3lAuTQuX3E0GuS6kPHfU-DYlUu9Mxl5CbgYIY45Dln58e3DG7MgapbOX1Y2GLhMCccu-y1f-6e_GHAJtIFhHzSog8gJrO_aof_ueJio0D-MJSDK8sKzYKyX2GSnmAQ/s320/IMG20221005130939.jpg)
“Esta experiencia gustoume moito, vin empresas de diferentes culturas, descubrín lugares e comidas de distintas partes do mundo polo que foi moi gratificante”. (Alba Barreira Rodríguez)
“Conxemar para min foi una inspiración, ver executivos reunidos na realidade e non nunha película e encontrarte con persoas que che explicaban o que facían con esa paixón e ganas. Tamén me gustou a experiencia de probar comida e coñecer un rincón doutros países ou simplemente pasar dunha esquina a outra e estar nun país dintisto. É unha experiencia que lle recomendaría a todo mundo. Ademais, que aumenta a túa creatividade. Podes coller ideas para o futuro”. (Eunice Sanches Monteiro - Eli)
Podes continuar lendo esta e outras crónicas no blog Perdourando.
Podedes acceder ao álbum de imaxes AQUÍ.
- 93 lecturas
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »