Novas

Non foron a París, senón a Pontevedra, pero os nosos olímpicos “suaron a camiseta” resolvendo problemas tamén relacionados co ámbito deportivo: desde calcular a idade dos membros da familia Beckham, ata asesorar a un club de baloncesto feminino sobre a mellor fichaxe, en base aos resultados de dúas candidatas nos seus últimos encontros. Niko Laguna e Roi Rey (alumnos de 2º ESO A), xunto con Martina Castro e Lorena Gulhote (de 2º ESO B), do IES Monte da Vila, participaron xunto con outros estudantes dun total de vinte centros de Pontevedra na fase de zona da olimpíada galega de Matemáticas.

Desde o noso centro animamos ao alumnado que está a cursar 1º ESO actualmente a inscribirse o vindeiro ano nesta actividade, na que mesmo poderán pasar como finalistas á fase galega, ou, se son auténticos campións, aspirar a competir na fase española.

De esquerda a dereita: Roi, Niko, Lorena e Martina.

O 25 de abril conmemoramos a revolución dos cravos, o levantamento portugués que no 25 de abril de 1974 poría fin á dictadura de medio século e que se caracterizou pola marcha dos militares cos carabeis (cravos en portugués). Os alumnos e alumnas cantaron as letras nun carabel diseñado polo equipo de dinamización lingüística e o departamento de lingua galega.

Os alumnos e alumnas de 4ºESO e 1ºFPB visitaron os centros integrados de formación profesional en Pontevedra (CIFP Xunqueira) e en Vilagarcía de Arousa (CIFP Fontecarmoa). Ensinaron as instalacións dos diferentes ciclos de grao medio e superior, da súa oferta académica:

CIFP Xunqueira 1

Ciclos de grao básico

• Electricidade e electrónica
• Carpintaría e moble
• Mantemento de embarcacións deportivas e de recreo

Ciclos de grao medio

• Instalacións de telecomunicacións
• Carpintaría e moble
• Atención a persoas en situación de dependencia
• Carrozaría
• Electromecánica de vehículos automóbiles

Ciclos de grao superior

• Sistemas de telecomunicacións e informáticos
• Mantemento electrónico
• Deseño e amoblamento
• Educación infantil

Cursos de especialización de grao superior

• Mantemento e seguridade en sistemas de vehículos híbridos e eléctricos

FP Dual Grao medio 

• Carpintaría e moble e oferta parcial de Deseño e amoblamento
• Electromecánica de vehículos automóbiles

CIFP Fontecarmoa

Conta coas seguintes familias profesionais nas diferentes modalidades presencial, a distancia e dual:

O pasado xoves 11 de abril o alumnado de 4º de ESO asistiu á representación teatral de La casa de Bernarda Alba no Auditorio de Vilagarcía de Arousa. Foi una sesión matinal moi didáctica para os nosos rapaces e rapazas, pois tiveron a sorte de poder ver sobre o escenario a obra de Federico García Lorca que xa leran na aula. Foi, ademais, unha actividade entretida xa que despois da representación tiveron a oportunidade de charlar coas actrices sobre varios temas relacionados con esta peza teatral fundamental do século XX. A actividade estivo organizada polo departamento de Lingua castelá e Literatura e as profesoras que acompañaron ao noso alumnado foron Loló, Ana G. e Tere. Sen dúbida, unha saída que ben merece ser repetida en vindeiros cursos.

Os alumnos e alumnas de bioloxía e xeoloxía de 4ºESO e 1ºBacharelato asistiron a unha xornada didáctica no medio natural protexido da Lanzada, onde puideron aprender da man da asociación ADEGA de que trata un ecosistema dunar e que especies viven nel. Observamos a incubación dun niño de píllara e fixemos unha recolecta de lixo de 70Kg. 

Todas as solicitudes de Admisión presentadas en prazo neste centro para o vindeiro curso 2024-2025, están admitidas.
As listaxes atópanse publicadas no taboleiro do centro e poden ser consultadas en horario de clase.

Por segundo ano, o Departamento de Educación Física organizou a Semana da saúde, financiado polos programas de Innovación Educativa. Nesta edición, centrouse nas adiccións, sobre todo, nas que está máis relacionadas coa adolescencia e as etapas educativas do centro. Abarcamos todos os cursos, agás o Ciclo Medio de Sistema e 2º de Bacharelato. Ademais, houbo dúas charlas para a comunidade educativa pola tarde, aspecto imprescindible do centro que é traballar coas familias.

Na visita a MEIRANDE (Centro de Interprestación da Batalla e do Patrimonio Cultural de Rande) o noso alumnado aprendeu moitísimo sobre a famosa batalla de Rande dende un punto de vista histórico e dende un punto de vista tecnolóxico, onde de primeira mán observaron (e explicóuselles como funcionaban) ferramentas da época para calcular a posición dos barcos (astrolabio esférico, cuadrante, ballestilla, compás, etc.) e diversas armas, destacando sobretodo os canóns dos barcos.

Por outra banda, tamén souberon da historia da “Fábrica do alemán” (lugar onde está ubicado na actualidade o museo), e puideron analizar polo miudo as distintas maquinarias que quedaron abandonadas cando a fábrica pechou no 1955, sobresaindo pola sua importancia as autoclaves, unha prensa manual, unha enlatadora e dúas enormes máquinas xeradoras de electricidade.

Na visita as Salinas do Ulló, o alumnado puido pasear pola contorna, disfrutar da diversidade de fauna e flora da enseada de San Simón, perderse polas ruinas da antiga fábrica de salazón é aprender do funcionamento do antigo muiño de mareas alí ubicado. 

Aberto o prazo para solicitar bolsas de estudo para estudos universitarios e non universitarios no curso 2024/2025.

Acceso á convocatoria

Calendario de prazos

    • O prazo para solicitar a bolsa da convocatoria xeral para o curso 2024/25 é do 19 de marzo de 2024 ás 9 h., ata o 10 de maio de 2024 ás 15 h. (horas peninsulares). Non o deixes para o final. Pide a túa bolsa aínda que non saibas o que vas estudar ou mesmo se vas ou non a estudar.

    • O prazo para pedir a axuda de necesidade específica de apoio educativo para o curso 2024/25 espérase que comece en maio de 2024.

Tipos de bolsas

Para que estudos podes solicitar unha bolsa

Curso 2024 / 2025 

    • Bacharelato

    • Cursos de acceso e de preparación para probas de acceso á Formación Profesional e cursos de formación específicos para acceso a ciclos formativos de grao medio e superior, impartidos en centros públicos e privados concertados

    • Formación Profesional de grao medio e de grao superior

    • Ensinos artísticos: profesionais e superiores

    • Ensinos de idiomas en Escolas Oficiais, incluída a modalidade a distancia

    • Ensinos deportivos

    • Estudos relixiosos superiores

    • Formación Profesional de Grao Básico

Estudos universitarios comprendidos na convocatoria:

    • Curso de acceso á universidade para maiores de 25 anos (impartido por universidades públicas)

    • Ensinos universitarios para títulos de grao e de máster. Están incluídos:

        ◦ Os estudos de grao e máster en centros universitarios da Defensa e da Garda Civil,

        ◦ Créditos complementarios ou complementos de formación para acceder ou obter o título de máster ou grao.

Non se inclúen nesta convocatoria de bolsas:

    • Estudos de terceiro ciclo ou doutoramento,

    • Estudos de especialización,

    • Títulos propios das universidades.