Durante as datas do 28 de outubro ao 3 de novembro, no pavillón polideportivo Mariano Haro de Palencia, celebrouse o Campionato Nacional de Boxeo de Clubs Abertos 2024.

Temos o orgullo de felicitar ao noso alumno Martín Grandío Piñeiro de 1º de ESO por lograr o título de subcampión de España na modalidade de menos de 34 Kg.

Con anterioridade a esta competición, no mes de xullo, Martín proclamouse Campión de España por seleccións autonómicas na categoría de menos de 31 kg no torneo celebrado en Almería.

Noraboa polos teus logros e ánimo para seguir na Loita!

 Benvid@s a tod@s!

 Empezamos un novo curso escolar cargado de entusiasmo e proxectos.

 Comezamos o mércores día 11 de setembro con horario normal dende as 08:50 ás 14:25 h.

 Os luns haberá tamén clases de tarde das 16:00 ás 17:40 h.

 Haberá servizo de trasporte escolar cos horarios e as paradas habituais: 

Publícase a relación de libros de texto e material didáctico que se utilizarán durante o vindeiro curso 2024/2025.

Acceda ao ficheiro anexo para coñecer o detalle por niveis e materias de cada recurso:

Nesta fin de semana celebrouse en Monforte de Lemos o Campionato de España Poomsae e Freestyle 2024.
Non podemos por menos que felicitar a nosa alumna Nuria Rodríguez Iglesias polos éxitos alcanzados neste encontro deportivo:

• Campioa de España na categoría Freestile quinteto mixto 12-17 anos.
• Subampioa  de España na categoría Freestile individual feminino 12-17 anos.

Estos resultados garanten a súa participación no Campionato do Mundo que se celebrará e Hong Kong en decembro deste ano 2024.
Aproveitamos a ocasión para felicitar tamén a súa irmá e exalumna Iria Rodríguez Iglesias polo seu logro deportivo:

• Campioa de España na categoría Freestile quinteto mixto 18 anos.

A seguinte cita será no Open de Madrid o vindeiro 15 de xuño.
Parabéns e a seguir loitando!

Reservas de praza e admisión de alumnado para o curso 2024/2025

a)    Normativa reguladora do procedemento de reserva e admisión.
     -  Decreto 13/2022, do 3 de febreiro (DOG Núm. 29 do 11/02/2022)
     -  Orde do 21 de outubro de 2022 (DOG Núm. 212 do 08/11/2022)
b)    Prazo de presentación das solicitudes de reserva.
       O CEIP Plurilingüe Montemogos e o CEIP Plurilingüe Torre – Cela están adscritos ao noso Instituto de Ensino Secundario.
       As solicitudes de reserva serán presentadas en cada centro adscrito desde o 15 de xaneiro ao 06 de febreiro de 2023.
c)    A data de publicación de alumnado con praza reservada será o 22 de febreiro.
d)    Para anular unha reserva, deberase presentar unha solicitude no centro de adscrición con data límite do 28 de febreiro.
e)    Postos escolares ofertados:
       O CEIP Plurilingüe Montemogos e o CEIP Plurilingüe Torre – Cela están adscritos ao noso Instituto de Ensino Secundario.
       Todas as súas reservas de praza foron admitidas e xa están asignadas para o vindeiro curso.
       As prazas vacantes para a admisión de alumnado son as detalladas a continuación:

f)    Prazo de presentación de solicitudes de admisión: do 1 de marzo ao 20 de marzo de 2024

      Documentación para a presentación
      -  Solicitude segundo o Anexo II da orde.
      -  Anexo II-bis (Comprobación de datos dos membros computables da unidade familiar e consentimento da outra persoa proxenitora, titora ou acolledora)
      -  Copia do DNI, NIE ou pasaporte da alumna ou alumno que solicite praza.
      -  Copia do libro de familia ou documento equivalente onde figure o/a alumno/a e os demais membros computables da unidade familiar.
      -  No caso de separación ou divorcio, sentenza xudicial de separación ou divorcio e/ou convenio regulador onde conste a custodia do menor.
         (Para realizar as copias da documentación requirida, é preferible achegar os orixinais).

Cómpre lembrar que a Consellería de Educación pon á disposición das familias unha ferramenta informática, a aplicación “AdmisionAlumnado”, que posibilita que os  proxenitores cubran a solicitude na aplicación, marquen os criterios do baremo que, chegado o caso, queiran que se lles valoren, e poidan presentala de forma presencial no centro, ou por vía electrónica a través da propia aplicación.

Deste xeito, garántese o dereito da cidadanía ao acceso electrónico aos servizos públicos, mantendo tamén a posibilidade de presentar esta solicitude de forma presencial.

Ademais, as familias poderán consultar o estado de tramitación da solicitude nas distintas fases do procedemento utilizando o código que xera a aplicación ao cumprimentar a solicitude, xunto co DNI do proxenitor ou proxenitora asinante.

g)   A área de influenza do IES Illa de Ons é a suma das áreas do CEIP Plurilingüe Montemogos e do CEIP Plurilingüe Torre – Cela.
h)   O IES Illa de Ons oferta transporte escolar gratuíto para aquel alumnado que resida dentro das súas áreas de influenza.
i)    Publícase como anexo o calendario do procedemento cos diferentes prazos para cada un dos diferentes pasos.
j)    Información complementaria:
      -  Todo o alumnado incluído no ámbito desta orde poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar.
Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.
      -  O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.
      -  En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8 da citada orde.

Publicamos o resultado do sorteo realizado o xoves día 21 de decembro de 2023 do número gañador das rifas para a financiación das excursións do alumnado deste curso.

O premio consiste nunha cea para dúas persoas no restaurante Nordés e dúas masaxes no centro Mundo Mandrágora.

O número ganador é: 

  69019

 Xa contactamos coa persoa agraciada, dado que os seus datos constaban no resgardo do boleto gañador.

12º SALÓN DE EDUCACIÓN E FORMACIÓN DE GALICIA 2023

O pasado xoves 5 de outubro visitamos co alumnado de 4º ESO o 12º Salón de Educación e Formación de Galicia, no recinto feiral de Pontevedra.

Un salón que axuda aos estudantes a decidir o seu futuro formativo e profesional a través dunha ampla oferta de centros educativos e formativos, empresas e entidades que  tratan de dar resposta ás súas necesidades de formación. 

Entre os días 3 e 6 de decembro tivo lugar en Alacante o "Campionato de España de Taekwondo por clubes 2022"

E nese campionato participou a nosa querida alumna Nuria Rodríguez Iglesias de 3ºA acadando dúas medallas:

• Bronce en freestyle individual  -17
• Ouro en freestyle quinteto  +12

Dende o Illa de Ons a nosa noraboa e moito ánimo para seguir practicando taekwondo. Parabéns Nuria!!

Nota: se revisades o historial desta páxina veredes que Nuria segue a tradición familiar pois xa a súa irmá Iria amosaba o seu alto nivel no mundo do taekwondo coa súa participación no Campionado de España no ano 2021...

Anque inicialmente programada para o día 19 de setembro, o pasado 3 de outubro tivo lugar a tradicional andaina co alumnado de 1º polos montes de Ermelo e a Paralaia. Acompañados por un grupo de 7 profesores e coa participación case completa do novo alumnado, a xornada transcorreu sen incidencias e desfrutando dun día propio do verán.

Aquí os tedes, camiño da Paralaia. Había fame e subían con gañas de chegar para xantar.

E aquí están, coa ría de Vigo ás costas.

Despois de xantar comezamos o descenso a carón do río Bispo

E xa chegando a Bueu, pasando por algúns muíños