Inglés

O Departamento de Inglés informa que no noso centro impártense os cursos Cuale de preparación para a acreditación do nivel de Inglés nas Escolas Oficiais de Idiomas, segundo o Marco Común Europeo de Referencia para as Linguas (MCER). Tedes a información resumida no folleto que acompaña a este anuncio. Están abertos para alumnado de 3º, 4º de ESO e de ciclos de FP de grao medio.

A pre-matrícula xa está aberta na Secretaría do centro. O alumnado interesado pode solicitar máis información escribindo ó email: inglessaron9@gmail.com

Máis información: https://www.edu.xunta.gal/portal/node/43080

No ficheiro adxunto atoparas o formulario de preinscripción.

O Departamento de Inglés informa da convocatoria por parte da Consellería da:

Xestión de probas de acreditación de competencia lingüística en linguas estranxeiras para o alumnado que curse estudos en centros públicos no curso 2023/24 (4º ESO e Ciclos Formativos).

As probas corresponderanse co nivel B1, B2 ou C1 do MCERL (Marco Común Europeo de Referencia para as Linguas) e realizaranse durante o curso 2023/24.

O alumnado interesado debe comunicarllo ó profesorado de Inglés do centro o antes posible (ata o 20 de Outubro) para tramitar as solicitudes.

Tedes a información no seguinte enlace:

https://www.edu.xunta.gal/portal/node/41160

O Departamento de Inglés do IES Illa de Sarón informa que o 4 de Setembro comezou o prazo para solicitar as becas da Fundación Amancio Ortega, dirixidas a alumnado de 4º de ESO interesado en estudar 1º de Bacharelato en Canadá ou Estados Unidos. Hai 70 prazas para Galicia, e o alumnado aspirante debe ter un 8 (como mínimo) de media en 3º de ESO. O prazo de inscrición é ata o 27 de Setembro ás 13:00 horas.

O enlace web é: https://becas.faortega.org/

Animámosvos moito a solicitalas se reunides os requisitos – é unha experiencia moi enriquecedora e positiva para a vosa formación.