Os alumnos de 2º de Bacharelato foron o pasado 16 de decembro a UNITOUR, o Salón de Orientación Universitaria en Palexco, acompañados dos seus titores: Mario Juiz, Ana Mª Rodríguez Cabanela, Mar Sendino, Sonsoles Fernández, a vicedirectora Mª Rosario Soto e a coordinadora de Bacharelato, Beni Vidal.
A Concellería de Xustiza Social e Coidados do Concello de A Coruña ven de comunicar que o xurado da V Edición do concurso de Viñetas "Sen adiccións... un bo plan" falloú como gañador da Categoria 2 a viñeta presentada por David Pérez Plaza, alumno do IES Eusebio da Guarda. Dase a circunstancia de que houbo 400 participantes nesta edición de Viñetas.
A entrega dos premios levarase a cabo no Concello, na Praza de María Pita o día 14 de decembro ás 11:00 horas.
Coa publicación das bases, facemos un chamamento á comunidade educativa para que as difundan entre o alumnado. A XI edición do Concurso Literario Rita Suárez Amado celebrarase no vindeiro mes de marzo, pero os traballos haberá que entregalos antes.
Fai clic na imaxe para ter acceso ás bases.
Actualización 26 Febreiro: Rematado o prazo de entrega dos traballos, próximamente anunciaremos a convocatoria da entrega de premios. Coma sempre, gracias anticipadas aos participantes. Un ano máis os membros do xurado tiveron traballo dabondo e decidir os gañadores foi unha grande responsabilidade.
Tras a súa exitosa entrevista de hai uns días, María José Martínez Girón e Nieves López Agrasar onte acudiron a este programa de televisión para expoñer a súa opinión sobre se é posíbel unha educación sen tarefas para casa.
Podedes ve-lo programa facendo clic sobre a imaxe. A entrevista escomenza no minuto 13:25. Parabéns!
Hoxe visitounos o escritor vigués, premio Blanco Amor 2005, Francisco Castro. O seu auditorio estivo formado polo noso alumnado de 1º da ESO. Máis dun cento de rapaces que mereceron xa un dez polo seu comportamento. Estiveron moi atentos á dinámica e entretida charla sobre a xénese da obra Chamádeme Simbad. Logo fixéronlle varias preguntas intelixentes. Francisco Castro respondeu de igual a igual, demostrando unha vez máis a importancia de sermos seres que len, conscientes dos problemas do mundo e do poder do individuo que sabe discernir as palabras sabias das palabras falaces.
Durante o mes de novembro, o alumnado de 1º da ESO, a través do departamento de EF, acudiu a realizar unha actividade tan gratificante como é o Patinaxe sobre Xeo, na pista ubicada no exterior do centro comercial Marineda. Axiña o alumnado de 2º pasará pola misma experiencia.
As imaxes foron tomadas polo profesor Alfredo Haz.
O pasado 31 de outubro celebrouse o Campeonato Galego de Ximnasia Rítmica. Valeria Delgado Domínguez, alumna de 2º da ESO e membro do clube María Barbeito, proclamouse Subcampeona de Galicia na categoría infantil federado ARO.
E máis aínda, clasificáronse para o Campeonato Nacional que se disputará en Valladolid. Parabéns!
María José Martínez Girón e Nieves López Agrasar son profesoras no Eusebio. Aceptaron facer unha entrevista co gallo das reformas propostas por José Antonio Marina recentemente. Hoxe o diario publicou as súas opinións. Podes ler a entrevista completa facendo clic na imaxe.
Pedro Tomé Veira, alumno do Eusebio, ven de ser agasallado pola Xunta de Galicia tras acadar o premio extraordinario de Bacharelato. Parabéns!
Actualización: Pedro obtivo a terceira mellor nota da comunidade autónoma: 26,8, empatado con outros dous mozos. A Voz de Galicia ven de recoller a información:
O sábado 17 de outubro as arcadas do edificio de Riazor do noso instituto serviron para que a ONG "Ayuda en Acción" realizase un expresivo mural sobre a pobreza. Parabéns!
Lembrando a lexendaria canción de Edith Piaf "Sous le ciel de Paris", poidemos escoitar aos alumnos participantes no intercambio con Fontenilles (Francia) na sala de usos múltiples, o pasado 16 de outubro.
Unha nova edición do noso intercambio para alumnos de 3º e 4º da ESO púxose en marcha e 30 alumnos do collège Irène Joliot-Curie visitáronnos na nosa cidade a semán pasada..
As actividades realizadas foron moitas e os lazos estreitábanse cada vez máis. Agora toca o intercambio epistolar ata que chegue a primavera, aló polo mes de abril devolverémoslles a visita.
O momento da despedida foi triste pero esa tristeza hase ir tornando pouco a pouco en ilusión ante o achegamento da data elexida para viaxarmos nós ata terras galas.
Nestes días fixemos moitos amigos, agardamos que esa amizade que comeza, perdure moito tempo. Estamos seguros que na segunda parte deste intercambio verase fortalecida. Ata pronto amigos.
À très bientôt. Bises de nous tous.
Ampliación: O programa Boas Tardes da CRTVG recolleu a visita cando os rapaces visitaron Cambados. Aquí podes velo.
Coa chegada do outono Xosé A. Fraga retoma a súa colaboración quincenal co xornal La Opinión, consistente nunha serie de episodios da cultura científica relacionados coa Coruña e a súa contorna. Xosé Antonio Fraga Vázquez, doutor en Bioloxía pola USC, foi Director do IES de Monelos e Director dos Museos Científicos da Coruña. Hónranos, ademais, colaborando cun capítulo (“As Ciencias nas aulas do Instituto”) na publicación con que celebraremos o noso 125 Aniversario.
