Programas e Proxectos nos que participa o Instituto Eusebio da Guarda 

• Plan Proxecta:
• Quérote+
• Fotografía en curso
• Clases sen fume
• Programas de éxito educativo:
• PROA+
• Club de Ciencias.
• CP INNOVA: EDUexcelencia e EDUsostibilidade.
• CP INCLÚE
• Acreditación Lingua Estranxeiras centros públicos plurilingües.
• STEMbach.
• eTwinning/Erasmus+ 
• Proxecto Escolas embaixadoras do Parlamento Europeo.
• PLAMBE
• Club de Lectura.
• Plan Director para la Convivencia y Mejora de la Seguridad en los Centros Educativos y sus Entornos.
• Programa Titor da Policía Local.
• Programas educativos do Concello da Coruña que inclúen a colaboración con diferentes asociacións: OMIC, AESLEME, AECC, ASEDUC, ADAFAD, ACLAD, AGALURE, Protección Civil, Cruz Roja, SEFAC.
• (Ligazón ás actividades programadas polo Departamento de Orientación).

3 de xullo de 2022

"Alta porcentaxe de aprobados nos exames DELF na convocatoria de abril 2022 “

Novamente neste curso 21-22, unha parte do alumnado que cursa Francés tanto de 1ª coma de 2ª lingua concorreu ás probas DELF Scolaire dentro dos niveis A2, B1 e B2 obtendo uns bos resultados.

Lamentablemente algún dos nosos alumnos non puido estar presente nos exames por mor da Covid. Neses casos o Ministerio de Educación Francés mantén a posibilidade de presentarse na vindeira convocatoria sen perder os dereitos ao exame.

Aproveitamos a ocasión para recordar que a Consellería de Educación mediante a resolución do 10 de xuño de 2022 está a xestionar as probas de nivel lingüístico, polo que invitamos ao alumnado que desexe presentarse aos exames DELF no curso 22-23 que presente o correspondente compromiso asinado na Conserxería do centro. Prazo ata o 10 de abril.

Félicitations et bonnes vacances!!!"

23 de xuño de 2022

Nacho Roura, psicólogo e exalumno do Eusebio

22 de xuño 2022

Recepción da alcaldesa Inés Rey en María Pita aos mellores expedientes da Coruña

Nuria Roca, mellor expediente da Coruña nas ABAU, acompañada pola vicedirectora Teresa Fraga e a coordinadora de Bacharelato Beni Vidal, recibiu o agasallo en recoñecemento aos seus méritos de mans da alcaldesa Inés Rey.

21 de xuño de 2022

Acto de entrega de diplomas ao alumnado do STEMbach

O pasado Martes 21 de Xuño ás 18:00, o profesorado titor, e o alumnado do IESP Eusebio da Guarda acudiron ao acto de entrega de Diplomas Stembach, para os proxecto de investigación realizados durante os cursos 2021 e 2022.  Promovido pola Consellería de Educación, Cultura e Universidades, desde hai tre anos, o Stembach ten como obxectivo que o alumnado realice a formación necesaria, e desenvolva a súas competencias para realizar un proxecto de investigación no eido universitario.

O acto no Rectorado da Universidade da Coruña contou coa presenza do Rector da UdC Julio Albalde, do Conselleiro de Educación, Cultura e Universidades, Román Rodríguez, e as Vicerreitoras María José Lombardía e Nancy Váquez. O acto foi conducido por Susana Ladra, profesora de Informática, directora do Campus Innova da Udc e Coordinadora do Stembach, quen colabora como titora de traballos de investigación o Eusebio da Guarda.

Todos os presentes fixeron fincapé nos méritos e capacidades do alumnado presente, que foron quen de levar adiante con éxito as súas investigacións, ademáis de conducir os seus estudos de Bacharelato cara a universidade. 

21 de xuño de 2022

Entrega de Premios Picasso

O 21 de xuño de 2022 entregáronse na Aula Picasso do Instititu Eusebio os premios do IV Concurso de Debuxo Picasso Coruñés, organizado pola Asociación de Prensa da Coruña (APC), co patrocinio da Secretaría Xeral de Cultura da Consellería de Educación, da Asociación Comarcal de Mulleres Profesionais, Autónomas e Directiva da Coruña e Escolas Infantís "Os Pequerrechos".

15 de xuño de 2022

Premio Provincia de A Coruña e Premio Galicia de Xornalismo na Escola

"Tu solo piensas en morir y la idea de morir consume tu vida"

16 de xuño de 2022

Entrega dos premios do certame-exposición de Haikus convocado polo EDLG

Foi convocado polo EDLG, coa colaboración do Departamento de Lingua galega e Literatura, un certame-exposición de Haikus, en torno ás poesía de Florencio Delgado Gurriarán, persoeiro ao que se adica o Día das Letras Galegas deste 2022.

O fallo do xurado, composto por profesorado de diversos departamentos didácticos do Centro, foi:

Haiku de ouro: "Rabaño mudo" de  Manuel Carrasco, Elba Cardesín, Jorge Estévez e Ryu Tenreiro -4º ESO C.

Haiku de prata: "A sombra nos leva", de Alejandra Vázquez Suárez -1º ESO E.

Haiku de bronce: "Nos pastos verdes", de Martín Crespo, Aarón Deus e Iris Fernández -Chao- 4º ESO A.

Accésit 1: "Polas espidas", de Carla López Riveiros- 4º ESO E.

Accésit 2: "Verde ou de cor", de Sofía Pozurama e Inés Romero- 1º ESO A.

Accésit 3: "Agulla veloz", de Aroa González e Xiana Varela- 1º ESO E.

Os gañadores dos Haikus de ouro, prata e bronce recibiron o correspondente diploma, bono-regalo e libros.

Aqueloutros merecedores dos accésits recibiron os diplomas acreditativos, libros e USB.

O profesorado que formou o xurado quixo destacar o traballo desenvolvido polo alumnado. Ademais, o EDLG quere agradecer a participación e a implicación de alumnos e alumnas, e a dirección e supervisión das profesoras do Departamento de Lingua galega e literatura Estefanía Álvarez e Dulce Fernández, xunto con Carme Edreira, coordinadora do EDLG.

Agradecemento especial ás xefa do Departamento de Lingua Galega e Literatura Beni Vidal e ao profesor do departamento de Bioloxía e Xeoloxía Manuel Blanco, pola súa xenerosa colaboración  como xurados dos premios.