Escoitar, Aprender e Compartir

Lémbrase ao alumnado de ciclos formativos que pode solicitar a validación de módulos profesionais.

As solicitudes de validación de ciclos LOXSE/LOE a ciclos LOE e de ciclos LOXSE a ciclos LOXSE (así como a validación do módulo de FOL de ciclos LOXSE de grao medio a partir de ciclos LOE e as validacións a partir da acreditación de unidades de competencia e os certificados profesionais) son competencia da Dirección do centro educativo e deberán presentarse nos 20 primeiros días de clase. Para iso cubrirase o Anexo XIV e achegarase orixinal e copia do certificado académico.

As demais solicitudes de validación (de ciclos LOE a ciclos LOXSE, de estudos universitarios, dunha FP I ou FP II) son competencia do Ministerio de Educación e poden presentarse ao longo de todo o curso, pero terán preferencia para a súa resolución as presentadas ata outubro. Para estas solicitudes cubrirase o Anexo V e achegarase orixinal e copia do certificado académico en castelán. No caso de solicitar a validación a partir de estudos universitarios, haberá que presentar a maiores a seguinte documentación:

• Copia do programa oficial das materias cursadas, selada ou asinada electronicamente en cada cara, a unha cara e en castelán.
• Certificado da universidade onde conste que o programa que se achega é o realmente cursado e superado pola persoa interesada, tamén en castelán.

As solicitudes de validación presentaranse nas ventás de secretaría do centro de luns a venres en horario de 9:00 a 13:00 horas ou os luns e venres pola tarde na xefatura de estudos en horario de 17:00 a 20:00 horas.

Para acceder á presentación dos ciclos a distancia, que terá lugar este martes 12 de setembro ás 19:00 horas de forma telemática, preme na seguinte ligazón:

Ligazón presentación distancia

Corrixido o 08/09/23 tras detectar un erro na data (a presentación será o 12, non o 11).

As presentacións do curso 2023-24 faranse o 11 de setembro en ESO e Bacharelato e o 12 de setembro en Ciclos. As clases iniciaranse o día 12 en ESO e Bacharealto e o día 13 en Ciclos. Consulta no PDF adxunto toda a información.

Nota: O día 11 de setembro non haberá transporte escolar.

A partir de hoxe, mércores 12 de xullo está dispoñible na entrada do centro o listado provisional de alumnado admitido e excluído da axuda para material escolar.

O período de reclamacións estará aberto ata o vindeiro mércores, 19 de xullo, e o 26 de xullo publicarase a listaxe definitiva. Os cheques poderán recollerse en conserxería a partir do 1 de setembro.

O pasado xoves 6 de Xullo, o alumnado do IES de Chapela que cursa o Certificado de profesionalidade de Atención Sociosanitaria a Persoas Dependentes en Institucións Sociais celebrou un íntimo acto de graduación acompañado dos seus familiares, amigos e amigas, profesorado e equipo directivo que os acompañou durante toda a súa etapa formativa. Esperamos que este acto servise de alento para o período de prácticas que agora comeza e futura incorporación no ámbito laboral.

Desexámosvos moita sorte neste novo camiño que emprendedes e agardamos que a formación acadada no IES de Chapela vos axude a ser uns bos e boas profesionais empapando de sorrisos, coidados, amor e cariño aos vosos futuros residentes e familiares.

ESO: O centro dispón de  libros de texto correspondentes a doazóns das familias e ao anterior Fondo de Libros que poderá prestar ao alumnado que o precise. Recoméndase esperar a setembro e falar co profesorado de cada materia para ver a dispoñibilidade.

Os cadernos de música, debuxo e francés son individuais e non reutilizables, por iso todo o alumnado que curse estas materias debe mercalo. 

Pica no curso para descargar as listas de libros correspondentes a cada nivel. 

1º ESO    2º ESO    3º ESO    4º ESO

1º Bacharelato    2º Bacharelato

Pincha aquí para consultar os horarios dos ciclos de modular (réxime de persoas adultas) na modalidade presencial o vindeiro curso 2023-24.

Podedes consultar aquí a oferta de módulos no réxime de persoas adultas na modalidade presencial para o vindeiro curso 2023-24, agrupados nos seus correspondentes bloques horarios (Horario 1 ou Horario 2). Os horarios de docencia de cada módulo colgaranse proximamente.

Xa está publicado o calendario de admisión en ciclos formativos para o curso 2023/24. Tedes toda a información sobre o proceso de admisión aquí.