O alumnado do noso instituto participou nos preeventos de divulgación científica de G-Night da UVigo, Noite Europea das Persoas Investigadoras.
Como se expresan os teus xenes
Como conseguir un mamut
Materiais intelixentes e outras aplicacións
Visión infravermella, unha nova forma de contemplar o mundo
O xoves 24 de xuño tivo lugar a celebración da tradicional graduación de 2º de bacharelato. Este ano tivo lugar no Auditorio Mar de Vigo. Durante o acto entregáronse os mouchos aos mellores expedientes do curso (David Castañeda e Antía Pérez de Bacharelato de Ciencias e Ana Xinyao Xu Hong e Alicia Xu Hong de Bacharelato Social e Humanidades) e os diplomas e insignias a todo o alumnado.
O evento foi presentado por Iago García, Laura Castro, María Álvarez e David Castañeda da man do profesor Pablo Samartín. Ademais participaron para amenizar a tarde José Cruz e Brais Martínez, cos seus disfraces de dinosaurio e quenlla, e Xoel Moure como monologuista.
Tamén houbo música da man de Candela Estévez, Malena Lorenzo, Álex Álvarez, Xulia Blanco, a profesora Judith Alonso e varios exalumnos.
O padriño da promoción foi o noso benquerido profesor Ramón Nicolás que dictou unha fermosa conferencia de despedida. O representante da promoción foi Álex Álvarez e este ano, como representante das familias, Mª José Vallejo adicou unhas emotivas palabras ao alumnado.
[Fotos cortesía de Vilux Fotografía]
Como novidade deste curso, entre o alumnado e o profesorado de 4º ESO organizaron unha graduación para celebrar este fin de etapa no pavillón o pasado luns 21 de xuño.
Contaron con varios representantes do alumnado que amenizaron o acto e diferentes vídeos recordatorios feitos en colaboración polo profesorado. Para rematar houbo unha entrega de diplomas para os graduados.
O pasado xoves 17 de xuño o alumnado de 3º e 4º da ESO asistiron ao concerto de Servando Barreiro dentro do programa de actividades do EDL. O contacontos fixo un espectáculo que mesturaba música, poesía, anécdotas… sobre diversos temas, entre eles a homenaxeada nas letras galegas deste ano, Xela Arias.
O pasado martes 15 de xuño o alumnado de 1º de bacharelato puido desfrutar dun concerto da man de Eladio Santos, antigo alumno do noso instituto.
Eladio comezou a mañá con dúas versións de “No niño do vento” e unha cantiga de Martín Codax, temas do seu disco Cantares. Tamén puidemos escoitar sons máis actuais como “El tiempo futuro” ou “Non quero perderte” do seu disco Están ustedes unidos.
O xoves 27 de maio, alumnado de Bioloxía de 1º bacharelato A, B, C e G, acompañados por Pablo Samartín, Javier Rey e Pilar Santos, realizou un tramo da ruta do río Eifonso, un fermoso paseo con bosques autóctonos, muíños e hermidas.
O mércores 2 de xuño tivemos o pracer de recibir a visita de Humberto Díaz “Heredia”, componente do grupo Desertores. Con el estivemos falando sobre Xela Arias e as cancións que ela compoñía para o grupo, así puidemos ver os temas manuscritos e con correccións da propia poeta.
Ademais, compartimos co guitarrista o traballo de ilustración e transcripción das letras compostas por Xela no primeiro disco que fixo o alumnado de 3º PMAR.
O pasado 21 de maio o alumnado de ESO participou nunha actividade na que se puxo en valor a diversidade e a riqueza cultural da nosa comunidade educativa.
As linguas de Rosalía e de Virgina Woolf entretecidas por Charo Pita e Patricia McGill para nos relatar unha escolma de historias que nos levaron a tempos e espazos distantes, pero que percibimos moi próximos. O alumnado de 4ºESO puido gozar desta experiencia o pasado mércores 19 de maio.