IES Castelao

Podedes pasar a recoller os vales de material escolar na Secretaría do Centro (en horario de 9:00 a 14:00).

En caso de que o recolla un menor de idade, precisamos que traian asinado o documento adxunto. 

Axudas municipais de libros e material escolar  para alumnos/as de centros docentes públicos de educación secundaria do Concello de Vigo.

Visita a páxina web do Concello de Vigo para facer a solicitude e consultar a documentación requirida!

O prazo remata o 12/09/2024.

O mércores 11 comezamos coas presentacións!

Esperámosvos á hora acordada no SALÓN DE ACTOS.

Prazo extraordinario de inscrición e matrícula:

-        ESA: do 2 ao 10 de setembro

-        Bacharelato Adultos: do 2 ao 20 de setembro

O horario de secretaría para a formalización da matrícula é de 9:00 a 14:00 horas.

*As persoas que non dispoñan de Certificación Académica e non acrediten estudos que poidan ser obxecto de validación e desexen matricularse na ESA por primeira vez, deberán realizar unha proba de Valoración Inicial  de Aprendizaxe (Proba VIA), co obxectivo de adscribilas ao módulo adecuado en cada ámbito de coñecemento. Deberán cubrir na secretaría do centro o impreso para apuntarse nesta proba do 2 ao 10 de setembro.

A data da proba de Valoración Inicial de Aprendizaxe (Proba VIA):

Días 11, 12, 13 de Setembro na Biblioteca do centro.

Está dispoñible o informe AL910-Certif.Comp.dixitais para obter o Certificado de competencias dixitais do alumnado de 4º da ESO. Este informe pode obtelo o alumnado maior de idade ou as persoas responsables a través de abalarMóbil e abalarWeb.

Os certificados COMDIX só están dispoñibles para o alumnado que teña cumpridos os 16 anos na data 30 de xuño de 2024.

O IES Castelao ofrece dentro da súa orferta formativa ensinanza para adultos. Se estás interesado podes matricular na ESA para conseguir o graduado escolar ou no Bacharelato para adultos para conseguir esta titulación. 

Un ano máis e con este xa son 54 que despedimos outra xeración. O 24 de maio despedimos no Teatro Salesianos a nosa promoción de 2º de Bacharelato. 

Este foi un acto ben emotivo onde os presentadores, un representante de cada clase (Ramón, Irene, Borja, Pablo e Naiaran) foron dando paso aos distintos momentos. Mais, sen dúbida, polo que todos os asintentes agardaban era pola entrega dos diplomas e das insignias que pechaban unha etapa para dar paso a outra. Agora, cun pé na universidade só vos podemos desexar o mellor. Lembrade que aquí seguiremos para seguir desfrutando dos vosos éxitos, polo que tedes que vírnolos contar. 

Álbum: Curso 2023/2024 -> Graduación 2º Bacharelato

O noso alumnado de cuarto da ESO despediu a etapa como merecía!
Nun pequeno acto privado e emotivo leron os seus discursos de graduación. Algúns despedíronse dos seus compañeiros e dos profesorados, dado que comezan outra etapa noutro centro. Pola contra, outros mudan de etapa e pasan a ser do grupo dos maiores do instituto.

Sexa como for, moita sorte na próxima etapa.

Álbum: Curso 2023/2024 -> Graduación 4º ESO

Graduación do noso alumnado da ESA e do Bacharelato de adultos!
Os nosos parabéns e moita sorte na seguinte etapa!

Álbum: Curso 2023/2024 -> Graduación ESA e BACH Adultos