IES As Lagoas

BENVIDA AO CURSO ESCOLAR 24-25

Estimadas familias.

En primeiro lugar queremos darlles a benvida ao novo curso escolar que, como todos, ten as súas particularidades, ilusións e inquedanzas.

Como todos os anos, unha vez iniciado o curso, en torno a avaliación inicial, que se celebrará os primeiros días de outubro,   tanto a directiva como o corpo de titores/as reunirase coas familias para informar dos aspectos máis destacados do centro, do presente curso  e dos grupos.

Mentres tanto no documento adxunto recóllense as normas básicas do funcionamento que son as que recibe o alumnado nas presentacións e nos primeiros días de clase pero que non sempre transmiten nas súas casas.

No desexo de ofrecer un ensino de calidade, xusto, equitativo e inclusivo, o claustro de profesores e a directiva do IES As Lagoas está a disposición do alumando e das familias e prega a súa colaboración para que este obxectivo se cumpra con eficacia e satisfacción.

Un saúdo

A directiva.

A PARTIRES DE MAÑÁ,

VENRES 12 DE XULLO,

NO TABOEIRO DE ANUNCIOS DO INSTITUTO,

ESTARÁ PUBLICADA

A LISTAXE DO FONDO DE LIBROS,

E

COMEZA O PRAZO DE RECLAMACIÓNS,

CUXO ÚLTIMO DÍA É O VINDEIRO MARTES 16.

LEIRE CASTRO, RECIBE UNHA DAS BECAS ESTATAIS DE EUROLINGUA

Leire Castro, de 4º ESO, obtivo unha das 20 becas estatais concedidas por Eurolingua en todo o estado a alumnos/as de ESO e BAC. A beca lle permite recibir un período formativo de dúas semanas en Derry (Irlanda) e a obtención dun certificado de nivel.

Parabéns Leire!

ALUMNADO DE 2º BAC ACUDE AO ACTO DE RECOÑOCEMENTO DOS MELLORES EXPEDIENTES DE ABAU.

Acudimos á Coruña, o venres 21, para recoller os diplomas que recoñecen os mellores expedientes das ABAU deste ano. Máis de 1000 xoves foron homenaxeados polos reitores das universidades públicas e o Conselleiro de Educación, entre eles o nos alumnado.

PREMIOS CERTAME DO TEATRO “LAGOAS Á ESCENA”

Nun ámbito máis caseiro, o luns 17 de xuño, entregamos no Salón de Actos os premios do 1º certame de teatro celebrado no instituto. Todos os participantes recibiron o seu premio. Foron os seguintes:

• Premio á mellor obra: Un xoguete para Goldoni, do alumando de Artes Escénicas de 2º de BAC do noso instituto, dirixidos por Xavier Álvarez Cid
• Premio do público á mellor obra: O club das poetas mortas, do grupo de teatro organizado pola ANPA do centro, dirixido por “Lele” Álvarez.
• Accésit á mellor obra: Escombros do Colexio Santa María Nai, Maristas, dirixidos por Alba de Evan.
• Premio á mellor interpretación individual: Martina Llamas Fernández, do IES As Lagoas,  pola súa interpretación no Club das poetas Mortas.

Hoxe, 12 de xuño, Eliana Correa, de 1º BAc E recibiu no IES Xelmirez I, en Santiago de Compostela, o premio Breviter, organizado polo centro compostelà, na modalidade de audiovisual.

O seu traballo nos fai reflexionar sobre os peligros de non pensar no planeta.

Parabéns Eliana!

Os alumnos de 1º de bacharelato do IES As Lagoas de Anatomía aplicada participaron no X concurso de curtametraxes organizado por ados e a consellería de sanidade,a nivel autonómico, sobre doazón e transplantes de órganos. Resultaron gañadores do segundo premio unha curtametraxe presentada polos alumnos: Carlos Miguel Hermida, Elena Flórez, Carla Gascón, Cristal Daniela Mota e Laia Rodríguez.

Parabéns para este equipazo, polo traballo feito, unha curta que ten por título: "Elixe o teu final...."