blogue deadmin

O concello de Oroso ven de publicar a convocatoria de becas para o estudo dirixidas a alumnado de Educación Infantil e ESO.

Achégase como arquivo adxunto a convocatoria oficial. Para calquera trámite as familias interesadas deben de dirixirse ao Concello de Oroso.

O prazo de formalización de matrícula para o alumnado que comeza a súa escolarización no curso 20-21 en 4º de Educación Infantil (3 anos) abrangue do 1 ao 10 de xullo. 

As familias deben de entregar a seguinte documentación:

• Anexo III e a folla de datos persoais do noso centro (lingua materna, datos médicos…). Esta documentación publícase como aquivos anexos a esta información (pódese traer impresa e asinada ou cubrila no centro educativo).
• Certificación de convivencia do domicilio familiar (solicítase no Concello).
• Dúas fotografías.
• Fotocopia da tarxeta sanitaria do alumno/a.
• Fotocopia da cartilla de vacinas ou certificado médico de non ter enfermidades infecto-contaxiosas.

O centro educativo contactará telefonicamente coas familias do alumnado para asignarlles cita previa. A documentación entregarase na sede do CRA, en Vilarromarís.

Estimadas familias.

De cara ao vindeiro curso 20-21, a Consellería de Educación decidiu flexibilizar e ampliar o periodo de adaptación para o alumnado de Educación Infantil. Neste período, pode reducirse o horario habitual de clases (9:30-14:30) para que o alumnado poida adaptarse ao inicio das clases. As principais novidades son:

• O período de adaptación amplíase ata o fin de setembro (normalmente eran dúas semanas).
• O período de adaptación poderase aplicar a todo o alumnado de Educación Infantil (normalmente era so ao alumnado de 3 anos - 4º de Educación Infantil).

Como este periodo de adaptación é flexible e nas nosas escolas o alumnado soe adaptarse sen problema, non prevemos cambios nos horarios de clases, excepto para o alumnado de 3º anos - 4º de Educación Infantil. Aínda así, faranse as adaptacións necesarias a cada neno/a, para garantir a súa adaptación á escola.

A titora de cada escola regulará este proceso, polo cal, en caso de dúbida, cada familia deberá contactar coa titora da súa escola.

Máis información no enlace:

http://www.edu.xunta.gal/portal/node/31298

Segundo as INSTRUCIÓNS DA DIRECCIÓN XERAL DE CENTROS E RECURSOS HUMANOS SOBRE O PROCESO DE ADMISIÓN DE ALUMNADO EN CENTROS DOCENTES SOSTIDOS CON FONDOS PÚBLICOS PARA O CURSO ACADÉMICO 2020-2021, as listaxes provisionais e definitivas de persoas admitidas e excluídas serán elaboradas, exclusivamente, mediante a aplicación admisionalumnado, e a súa consulta polas familias só se poderá realizar de forma:

a) Presencial: Única e exclusivamente no taboleiro de anuncios situado no interior do edificio escolar. En base ás recomendacións vixentes en materia de protección de datos persoais, non se considerará válido ningún outro medio físico de publicación (exemplo: os taboleiros ou as zonas acristaladas visibles desde o exterior do centro).

b) Non presencial: Única e exclusivamente a través da aplicación admisionalumnado empregando a Chave365 ou certificado dixital da Fábrica Nacional da Moneda e Timbre. En base ás recomendacións vixentes en materia de protección de datos persoais non se considerará válido ningún outro medio electrónico de publicación (exemplo: as listaxes en aberto na páxina web propia do centro educativo). Non obstante, nas páxinas web poderase anunciar o momento en que as listaxes estean dispoñibles na aplicación.

Considerando as Instrucións da Consellería de Educación, anunciase que xa están dispoñibles as listaxes na aplicación admisionalumnado para a súa consulta non presencial.

Debido ao estado de alarma, si algunha familia quixera consultar o estado da súa solicitude de xeito presencial, debería concertar cita previa no teléfono 628 07 14 38 (horario de 10:00 a 13:00) ou no correo cra.oroso@edu.xunta.gal

Con carácter xeral, infórmase de que todo o alumnado que presentou a solicitude de admisión resultou admitido e así consta na listaxe provisional de admitidos para o curso 20-21.

Este alumnado deberá formalizar a matrícula do 1 ao 10 de xullo.

Nas Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia, relativas ás programacións didácticas, establécese o seguinte:

"Os centros e o profesorado revisarán os currículos e as programacións didácticas para centrar as actividades lectivas do derradeiro trimestre nas aprendizaxes e competencias imprescindibles que deberían desenvolver os alumnos e as alumnas, en función da súa etapa, curso, área ou materia, flexibilizando os seus plans de traballo e coidando de non penalizar ou afectar ao benestar do seu alumnado, nin sobrecargalo de tarefas excesivas".

 Unha vez feitas estas adaptacións por parte do profesorado do noso centro, e para dar cumprimento á instrucción que di "As direccións dos centros responsabilizaranse da súa publicación na páxina web do centro nun lugar accesible a disposición de toda a comunidade educativa e de garantir a súa publicidade, seguindo o procedemento establecido no centro", achéganse como arquivos adxuntos a esta publicación as adaptacións das programacións didácticas do noso centro para o coñecemento de toda a comunidade educativa.