blogue deadmin

Estimadas familias: 

De cara á videoconferencia a desenvolver entre as titoras de cada escola e o alumnado, publicamos como arquivo adxunto as instrucións para esta actividade. 

O venres 26 de marzo, ás 11:30 farase unha primeira videochamada.

De cara á videochamada de mañá, as familias participantes tedes que rexistrarvos na aplicación Zoom e logo confirmar o rexistro a través dos vosos correos. No arquivo adxunto tedes toda a información. É recomendable que vos rexistredes canto antes, xa que non é un proceso inmediato.

Saúdos.

Estimadas familias.

Achegamos como arquivos adxuntos as propostas de traballo para os vindeiros días.

Por outro lado, queremos propoñervos unha nova actividade, unha videoconferencia en directo entre as titoras de cada escola co seu grupo de alumnos/as. Si hai familias interesadas en participar nesta actividade, deben de enviar un mail á súa escola de referencia cos seguintes datos: dirección de correo electrónico, nome e apelidos do adulto e nome e apelidos do neno/a.

Hai que inscribirse antes da 13:00 do xoves 26 de marzo. As direccións de correo das escolas son as seguintes:

Enderezo de Senra: senraescola@gmail.com

Enderezo de Deixebre: deixebreescola@gmail.com

Enderezo de Trasmonte: escolatrasmonte@gmail.com

Enderezo de Vilacide: escolavilacide@gmail.com

Xa que non hai ferramentas de videochamada nas aplicacións desta páxina web da Consellería, usaremos a plataforma Zoom, para o que é preciso un rexistro previo. Unha vez que saibamos as familias que queren participar, enviaremsvos instrucións máis concretas para o rexistro e o seu uso. A dirección é: https://zoom.us/

Por outro lado, mandámosvos un contacontos de dous autores que xa estiveron no noso CRA en algunha ocasión:

https://www.salondolibro.gal/salon-virtual/a-barca-dos-sorrisos-o-salon-enriba-dunha-arbore-por-brais-e-anxo-moure/

 Unha aperta moi forte de todo o profesorado!!!

Queridos/as nenos/as e familias, queremos compartir convosco uns contacontos e un concerto dun músico coñecido polos nenos/as. Paco Nogueiras retransmite hoxe por Instagram un concerto en directo, ás 16:45.

 CONCERTO ONLINE Paco Nogueiras 20 marzo - Instagram:

https://www.instagram.com/p/B91WqSsHvKL/?utm_source=ig_web_button_share_sheet

CONTO: “DESAYUNO DE PRIMAVERA”:

https://www.youtube.com/watch?v=gAc-BvadoLQ&feature=youtu.be&fbclid=IwAR15ka3kRwa5InvFYdqdJU10qh10dBrLY8--vop2AF0kbJ6bOlZgCjGIOfI

 CONTACONTOS: Fábrica de Paraules:

https://www.facebook.com/fabricadeparaules/?ref=search&__tn__=%2Cd%2CP-R&eid=ARAhcaxy7eQbp-ctchZTE8r7UQthSH07yUu5yECgzZlkZloTvf-BSjvZ_qp1iObohd7eITxohQF2g8bs

CONTO: “A máscara do León”: 

https://drive.google.com/drive/folders/1b9nECmH86fT9wTTZicM09r9ZkIw_q20b

A partir do luns seguiremos publicando máis recursos educativos, intentando ofrecervos un amplo repertorio para que se poida adaptar a todas as circunstancias.

Publicaremos manualidades, contos, fichas con exercicios de matemáticas e lingua...

Tamén publicaremos distintos recursos online con xogos e actividades de Ciencias da Natureza e Ciencias Sociais.

 Ao igual que nesta ocasión, cando publiquemos recursos, mandarémosvos unha mensaxe pola aplicación abalarMóbil, para que non teñades que estar pendentes.

Unha aperta moi forte de todo o profesorado!!!

Unha vez publicadas as novas instruccións por parte da Consellería de Educación, o noso centro de ensino queda encadrado na categoría de centros de Educación infantil e primaria, de menos de 6 unidades. Segundo o establecido pola Consellería, nestes centros "A titorización e a atención do alumnado realizarase cos medios non presenciais, telemáticos,  telefónicos ou doutra índole dos que dispoñan os centros e as familias (por exemplo, webs dinámicas, aulas virtuais, Edixgal, etc)".

A vindeira semana, o noso centro publicará a proposta de atención educativa para o noso alumnado e facilitará números de teléfono de contacto co profesorado, así como o horario de atención telefónica ás familas.

O proceso de solicitude de admisión para o curso 20-21 queda prorrogado. O prazo de solicitude de admisión remataba o 20 de marzo, pero dadas as circunstancias actuais, a Consellería de Educación dispón que "Amplíase provisionalmente o prazo de presentación telemática e presencial de solicitudes de admisión que finalizará 1 semana despois do reinicio das clases. Recoméndase a utilización preferente da modalidade telemática para a presentación das solicitudes".

 Estas instruccións teñen carácter provisional, polo que poden ser modificadas en calquera momento.

O centro educativo seguirá informando ás familias do alumnado mediante a publicación de información nesta web, contando como medio alternativo coa aplicación abalarMóbil.

O prazo de admisión para o alumnado que comece a súa escolarización ou desexe cambiar de centro educativo para o curso 20-21 é do 1 ao 20 de marzo. 

Toda a información sobre este procedemento e a documentación a presentar achéganse como arquivos adxuntos. Haberá copias en papel desta documentación para as familias interesadas nas distintas escolas unitarias. 

Ao longo do mes de marzo, as familas interesadas poderán visitar calquera das nosas escolas, preferiblemente en horario de 12:15 a 12:45 e previa cita. Os números de teléfono e localización de cada unha das escolas están publicados na web do noso centro, na sección "Aulas do CRA" (na columna lateral esquerda).