Publicada a Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21.
O prazo para presentar as solicitudes comeza o 20 de maio e rematará o día 19 de xuño de 2020 incluído.
Segundo o disposto nesta Orde, as solicitudes presentaranse preferiblemente por vía electrónica no formulario normalizado (anexo I) dispoñible na aplicación informática Fondolibros (https://www.edu.xunta.es/fondolibros/)
ou a través da sede electrónica da Xunta de Galicia: https://sede.xunta.gal. (procedemento ED330B)
o enlace directo ao procedemento é:
https://sede.xunta.gal/detalle-procedemento?codtram=ED330B&ano=2020&numpub=1&lang=es
Para a presentación de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365).
Opcionalmente, poderanse presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.
Achéganse a esta publicación varios arquivos adxuntos nos que se inclúe a lexislación de referencia, unha nota informativa para as familias sobre o procedemento a realizar, e os anexos necesarios para presentar como documentación.
Para a entrega da documentación de xeito presencial, será preciso concertar cita previa mediante chamada telefónica ao 628 07 14 38 (horario de 10:00 a 13:00) ou ben por correo electrónico á seguinte dirección: cra.oroso@edu.xunta.gal
Pódense consultar todas as dúbidas sobre este procedemento no teléfono de dirección: 628 07 14 38 (horario de 10:00 a 13:00) ou ben por correo electrónico á seguinte dirección: cra.oroso@edu.xunta.gal
De cara a regular a entrega de documentación para as familias deste alumnado, teranse en conta estas recomendacións sanitarias:
http://www.edu.xunta.gal/portal/node/30999
Adxunto | Tamaño |
---|---|
Orde 12 maio 2020 Gratuidade libros curso 20-21.pdf | 1.2 MB |
Anexo I - galego.pdf | 1.6 MB |
Anexo II - galego.pdf | 858.41 KB |
Nota informativa familias CRA Oroso gratuidade libros 20-21.pdf | 42.68 KB |