CPI Plurilingüe de Rodeiro

O alumnado de 1º da ESO, na materia de EPVA e para celebrar o Samaín deste ano, recreou algúns dos personaxes pertencentes á mitoloxía galega. As representacións foron elaboradoas en formato de cadro e con materiais diversos coma o cartón, goma eva, papel de periódico, etc. O resultado final amosou retratos con volumes onde as figuras semellaban sairse do cadro. As oito representacións corresponderon ós seguintes seres mitolóxicos: xacia, olláparo, tardo, lobisome, trasno, estadea, coca e urco. A cada cadro engadíuselle un carteliño descritivo de cada figura.

Os nosos pequenos e pequenas de Educación Infantil viviron unha mañá emocionane o pasado 09 de outubro, cun espectáculo de teatro sobre as emocións. 

Nesta idade, na que apenas están dando os seus primeiros pasos na lectura e escritura, deben aprender, sobre todo, a xestionar os seus estados emocionais. 

Esta actividade foi promovida pola ANPA Xulio Lois.

No CPI de Rodeiro, dedicamos tempo ao benestar integral dos nosos estudantes. 

O pasado 14 de novembro, o alumnado de 3º e 4º da ESO participou  nunha charla sobre a prevención das agresións sexuais e violencia entre a mocidade.

Esta iniciativa, promovida polo Concello de Rodeiro,  enmárcase nas accións da Secretaría Xeral de Igualdade, en colaboración coa FEGAMP, contra a violencia de xénero. A actividade foi conducida por María Angélica Mercado Torres, mestra especializada en xénero e igualdade.

O obxectivo foi reflexionar sobre o bo trato nas primeiras relacións, identificar violencias sexuais e promover unha educación afectivo-sexual alternativa á pornografía. No CPI de Rodeiro, comprometémonos a formar alumnado consciente e capaz de construír relacións saudables. 

O pasado 03 de novembro, a Garda Civil visitou o CPI de Rodeiro dentro das actuacións do Plan Director que este corpo de seguridade desarrolla no ámbito educativo. 

O Plan Director para a convivencia e a mellora da seguridade nos centros educativos está orientado á prevención das principais ameazas detectadas para a seguridade da mocidade, fomentar a confianza do alumnado, proxenitores e docentes nas Forzas e Corpos de Seguridade e desarrollar condutas para a denuncia de situacións e delitos dos que poidan ser vítimas.

Dentro das actividades solicitadas deste plan no presente curso escolar, realizouse unha sesión formativa para o alumnado de 2º, 3º e 4º de Educación Secundaria encamiñada a promover unha movilidade activa, saudable segura e sostible, fomentando actitudes de respecto que incidan na prevención dos sinistros de tráfico. Despois da sesión informativa, o alumnado visitou o interior do furgón de Tráfico, experiencia que lles resultou motivadora e moi interesante. 

A sesión formativa estivo a cargo de persoal de Garda Civil, ao que lle agradecemos que enriquecera a charla coas súas vivencias persoais, que conseguiron enganchar a todo o alumnado presente. 

Recordade os catro piares da seguridade vial: tolerancia, respecto, educación e prudencia. 

Poderedes ver máis imaxes desta activade na galería de imaxes do centro.