Educación Primaria

O alumnado de 4º curso de Educación Primaria  resultou gañador  na súa categoría, da I Edición do Certame Literario Paco Lareo, organizado pola Fundación A Solaina de Piloño.  O concurso, que ten como finalidade   a promoción da creación literaria  en Lingua Galega entre o alumnado de Educación Primaria e Secundaria,  supón un novo  espazo para a expresión e creatividade literaria.

A obra gañadora, chamada    “A Granxa Revirada”   é  a historia dunha granxa moi especial: unha granxa onde poucas cousas teñen sentido e onde parece que todo acontece do revés, de aí o seu nome. Pese a iso, nela reina a alegría, a diversión e a amizade. 

“A Granxa Revirada”  é un poemario que se fai coa única intención de achegar a poesía ao alumnado desde o divertimento e o disfrute: é un acercamento ás rimas, ás repeticións, ás onomatopeas… que se realiza a través do coñecemento do seu mundo máis próximo, o rural.

Trátase dunha iniciativa impulsada desde os proxectos “Radio Escolar” e “Videotubers Rodeiro” para a mellora da Competencia en Comunicación Lingüística  por medio da integración das TIC´s na creación de poemas: a súa lectura, escritura, audición, recitado, gravado, musicado…

Moitos parabéns rapaces! 

Se desexas ver esta noticia nos medios de comunicación, podes ler a nova no Faro de Vigo.

O alumnado de Educación Infantil e Primaria asistiu o pasado 23 de febreiro, co gallo do Día de Rosalía, a un espectáculo músico-teatral sobre a vida de Rosalía de Castro na casa da cultura. O Día de Rosalía de Castro converteuse nos últimos anos nunha data importante no panorama cultural galego para logo conseguir unha presenza destacada no mundo escolar. 

Sinalar que se acordou recentemente que a celebración deste aniversario polo nacemento da nosa escritora pasara a ter lugar o 23 de febreiro e non o 24 de febreiro como acontecía ata agora, foi acordado tras o recente descubrimento por parte da investigadora Sagrario Abelleira que corrixiu a data de nacemento da autora. 

O pasado mércores 19 de outubro tivo lugar a actividade Con ciencia de muller para o alumnado de 3º,4º,5º e 6º de Educación Primaria, en colaboración coa ANPA Xulio Lois de Rodeiro.

Unha animadora, caracterizada como científica, presentou de forma lúdica a algunhas das científicas galegas máis destacadas, dando exemplos dos seus logros nos seus respectivos campos e amosándoas como referentes para as xeracións presentes e futuras. Na presentación intercalaráronse experimentos sorprendentes para o alumnado que realizaron eles/as mesmos/as, buscando fomentar o interese pola ciencia, especialmente entre as nenas. 

Nos últimos minutos, a monitora falou da situación das mulleres na ciencia, aportando datos como que tan só o 20% das persoas científicas en España son mulleres. A rama STEM é menos preferida entre as mulleres polos roles establecidos socialmente. 

Tamén se mostraron exemplos e referentes de mulleres científicas como Ángeles Alvariño, Ramona Vaamonde ou Begoña Vila Costas, e as aportacións que fixeron á comunidade científica nos seus respectivos campos de investigación.