O día 21 de decembro o alumnado da ESO participou nun roteiro polo Concello de Rodeiro para estudar os muíños da zona e o seu funcionamento, restos arqueolóxicos de interese e busca de cogumelos e o seu estudo.
A actividade encadrábase dentro do Plan Proxecta e estiveron acompañados polos profesores Suso Amboaxe, alma mater do roteiro, Tomás Porto, María Jesús Fernández, María Jesús Cortiñas e Rosana Sieiro. Ademais contaron coas explicacións dos muíños de un antigo profesor do centro, Horacio, propietario dun deles, reformado e convertido en central eléctrica.
Unha xornada enriquecedora para o alumnado do centro.
