A  ANPA O Forte convoca aos seus socios a súa Asamblea Xeral Ordinaria.

- Data:   xoves 17 de xuño.

- Hora: 19:30 horas en primeira convocatoria e 20:00 en segunda.

- Lugar: Patio cuberto do edificio de secundaria.

Atentamente

A directiva

A Confederación de ANPAS Galega vén de poñerse en contacto con nós para comentarnos que o xoves 6 de maio ás 21:00 organizarán unha charla on line para explicar polo miúdo a proposta do novo calendario escolar que a Xunta quere implantar para o curso 2021/2022.

As familias interesadas, enviade un correo electrónico a anpadoforte@gmail.com confirmando a vosa asistencia e se vos enviará un link para entrar na reunión.

A ANPA "O Forte", como asociación que representa as nais e pais dos/as alummos/as do CPIP Antonio Orza Couto, queremos comunicar ás familias que temos un vogal da directiva que asiste ás reunión do Consello Escolar en representación da ANPA e que os dous representantes das familias  no Consello Escolar, tamén son socios.

Segundo o artigo 5 do Real Decreto 1533/1986 do 11 de xullo, polo que se regulan as asociacións de pais de alumnos, que establece as finalidades das anpas , é unha función das anpas  facilitar a representación e a participación dos pais/nais do alumnado nos consellos escolares dos centros púbicos.

De acordo co anterior, INFORMAMOS:

Que podedes mandar ao correo electronico da ANPA (anpadoforte@gmail.com) todas as suxestións que estimedes oportunas e que teñan relación coas funcións do consello escolar, para tratalas nas próximas  reunións, ben sexa na rolda de intervencións ou propoñelas como asuntos a tratar na orde do día.

O próximo xoves 28 de xaneiro celébrase unha reunión ordinaria do Consello Escolar, dende a ANPA enviamos un escrito á dirección do centro para propoñer que se tratara na orde do día o cumprimento dos diferentes protocolos para atención ao alumnado con necesidades educativas especiais.

A directiva da ANPA O Forte

Para poder participar das actividades extraescolares e demáis servizos que a ANPA poña en marcha é requisito indispensable ser socio da mesma.

A cota de socio son 25 euros por unidade familiar e curso escolar.

Deberá facerse unha transferencia por ese importe á conta da ANPA antes do 31 de decembro  especificando o seguinte:

- COTA SOCIO FAMILIA +APELIDOS DO/S MENOR/ES

Ex: Cota socio familia Pérez Reboredo

Número de conta: ANPA O FORTE

ABANCA ES95 2080 0320 2630 4000 2021

Estimadas familias:

Dende antes do comezo desta pandemia, e durante o confinamento a ANPA ven traballando para que se solucionasen os problemas graves de limpeza e seguridade que se viñan producindo dende hai xa anos no colexio; mandáronse queixas a Inspección educativa a través da dirección do centro e tamén ao Concello (responsable directo da limpeza e do mantemento dos sistemas de seguridade e antiincendios).

Por parte do Concello houbo colaboración e comprometéronse a ter as instalcións listas para o inico deste novo curso, moi complicado debido á situcación que estamos a vivir causada polo COVID-19.

Pois ben, a día de hoxe, estanse a subsanar as deficiencias no sistema antiincendios e de seguridade pero non así, as relativas á limpeza do centro; comprobando esta mañán nunha visita que seguen a ser moi visibles.  Esta ANPA púxose de inmediato en contacto co Alcalde de Boqueixón e concertamos unha xuntanza no centro á que tamén asistiu o director e un empregado da empresa de limpeza ao que lle trasladamos o noso profundo malestar e enfado ante esta situación.

Dito traballador quedou en transmiitir todo o que se lle dixo ao xerente da empresa.

No que atinxe ao Concello, tamén se lle deu un ultimatum.

Consideramos que todas as famlias deben coñecer a situación e comunicámosvos que, de non se correxir, seguiremos a traballar, en colaboración co centro, para conseguir solventalas.

Benqueridas familias:

Esperamos e desexamos que vos atopedes ben. 

Ante a situación sanitaria que estamos a padecer, resulta inviable o lanzamento da oferta de actividades tal e como o viñamos facendo en anos anteriores.  En primeiro lugar porque así o desaconsellan dende Consellería de Educación no punto 12.3 do protocolo enviado aos centros onde dí:  As actividades das ANPAs celebraranse preferentemente por medios telemáticos evitando en todo caso a xuntanzas que supoñan un número elevado de persoas, e en segundo lugar, porque os riscos a asumir, de producirse algún gromo, son moi elevados.

O primordial neste momento é tentar manter a saúde  xerando o menor número de grupos de contacto posibles. Por este motivo a ANPA, polo de agora, só vai lanzar aquelas actividades que se poidan facer de xeito telemático, e a partir do mes de outubro.

Dende o Concello de Boqueixón, sí se está a ofertar actividades de conciliación (madrugadores e tardes educativas e de lecer) para aquelas familias que o necesiten.

Non obstante, se a situación sanitaria se estabiliza, e xa de cara ao segundo trimestre, volveríamos a ofertar actividades presenciais.

Atentamente

A directiva da ANPA O Forte

Como consecuencia da situación que estamos a padecer pola pandemia do COVID-19 comunicamos que NON se vai proceder ao cobro das actividades extraescolares da ANPA do mes de abril.

En canto se reanude a actividade lectiva, informaremos de como procederemos coa recuperación da quincena perdida de marzo e o reinicio dos cobros.