Estimados Pais/nais:
Ante a situación tan difícil que nos toca afrontar, o centro, atendendo ao protocolo publicado pola Consellería de Educación, puxo tódolos medios para adaptarse á nova situación co obxectivo de que a permanencia no centro educativo sexa segura. Non obstante, debemos poñer todos da nosa parte para protexernos e protexer aos demais. "SE TE COIDAS TI COIDÁMONOS TODOS"
Rogamos que lean atentamente os anexos que adxuntamos
MOI IMPORTANTE
1.- No caso de que se detectase sintomatoloxía da infección SARS-CoV-2 (utilizar a enquisa clínico-epidemiolóxica que se describre no ANEXO I do protocolo que adxuntamos) O ALUMNO/A NON ACUDIRÁ AO CENTRO e a súa familia contactará inmediatamente co centro de saúde e avisará ao centro escolar.
2.- Cómpre presentar no centro escolar a declaración responsable que poden atopar nos arquivos adxuntos.
3.- É OBRIGATORIO O USO DA MÁSCARA A PARTIR DOS 6 ANOS durante toda a xornada lectiva, incluído o transporte. Será obriga do alumnado levar unha segunda máscara de recambio, así como un estoxo específico para gardala en caso necesario, como por exemplo o comedor.
4.- As familias que traian ou recollan aos seus fillos no centro escolar deben permanecer fóra do recinto escolar gardando a distancia de seguridade.
5.- O profesorado titor poñerase en contacto coas familias en canto lle sexa posible.
6.- Non haberá recepción de inicio de curso non salón de actos. O alumnado será recibido polo profesorado e de seguido incorporarase ás aulas.
|