A pasada semana, o alumnado de 1º a 4º ESO tivo coñecemento do deporte da Esgrima.
Nas sesións impartidas por @piesgrima a rapazada descubriu o sistema de puntuación, o equipamento e o material eléctrico, ademais de nocións básicas para poder disfrutar e experimentar algún asalto. Marchar, romper, ataque con fondo e ata o contrataque e a parada/resposta.
O material alternativo de plástico, permite facer algún asalto, tan só coa roupa deportiva e unha careta, pero as sesións rematan sempre cun asalto coas equipacións e o material eléctrico. As luces e o marcador, deciden quen gaña en cada clase.
O resultado foi moi satisfactorio. Este é un deporte moi asequible para calquera que desexe vivir de preto unha aventura para todalas idades.
Moitas grazas ao clube Compostela Esgrima e ao programa Corresponsables da Xunta de Galicia
