O inicio das actividades lectivas terá lugar o próximo luns día 11 en horario normal pese ás obras que se están desenvolvendo. As obras no interior dos edificios xa remtaron aínda que no exterior continuarán un mes máis.

INSTRUCIÓNS PARA A RECEPCIÓN DO ALUMNADO O LUNS 11 DE SETEMBRO

Debido ás obras no edificio de Primaria e para facilitar unha recepción ordenada e organizada, o luns 11 de setembro todo o alumnado á súa chegada irá para o patio de secundaria. Alí procederase da seguinte maneira:

- ALUMNADO DE SECUNDARIA

O alumnado de secundaria á súa chegada irá para as pistas deportivas onde agardará a ser chamado para as aulas.

- ALUMNADO DE INFANTIL E 1º e  2º de PRIMARIA

O alumnado de infantil e primeiro e segundo de primaria será recollido polas súas profesoras correspondentes diante da cancela de entrada habitual para conducilos por unha nova entrada cara ao edificio de infantil.

- ALUMNADO DE 3º, 4º, 5º e 6º DE PRIMARIA

O resto do alumnado de primaria irá para o patio do edificio de secundaria. Alí estarán as súas profesoras agardándoos para levalos ás aulas.