Como tristemente por todos é sabido, o conflito desatado no leste de Europa está a xerar millóns de refuxiados que necesitan da nosa solidaridade.

Tal e como se recolle no Comunicado emitido pola Xunta de Galicia xunto coas principais ONG con estrutura na zona, o recomendable é canalizar a axuda a través de doazóns económicas. (ligado tedes o documento cos medios para facelo)

Dende o centro puxémonos en contacto coa Asociación Galega de Axuda a Ucraína (AGA-Ucraína) e comunicáronnos que seguen recollendo material de primeira necesidade que almacenan no almacén central de Santiago de Compostela na Cidade da Cultura.

Por este motivo o noso centro vai iniciar unha campaña de recollida.  Os cativos e cativas levarán a casa no día de hoxe unha nota informativa co que máis se precisa.

O recollido irase depositando nos lugares habilitados a tal fin nos edificios de infantil, primaria e secundaria.

DATA ENTREGA PRODUTOS:  A partir do luns 14 de marzo

LUGAR: Edificios de primaria e secundaria (canalizado a través dos conserxes)

TODOS SOMOS UCRAÍNA!!!