Skip to Content

   Enlace Aula Virtual                       

Formación familias

Gracias á colaboración de COCEMFE, as familias poderedes asistir a unha charla formativa presencial na que se traballará sobre o uso de dispositivos móbiles e as ferramentas para descargar, adxuntar, enviar ou modificar, entre outras, diferentes documentos dixitais a través de Gmail, ademais do uso da Aula Virtual do centro.

A charla correrá a cargo de Elena Borrego e nela desenvolveranse actividades en relación ao emprego destas ferramentas. Terá lugar os vindeiros martes 28 de setembro de 16:00 a 18:00h, e martes 5 de outubro, de 16:00 a 18:30h, na aula de informática do centro e deberán acudir cos seus dispositivos (ordenadores, tablets, móbiles) de uso persoal.

Todas as persoas (1 membro por familia) que desexen asistir deberán anotarse enviando un mail (cep.neira.vilas@edu.xunta.gal) ou chamando por teléfono (886110220) antes do venres 24 de setembro para controlar o aforo máximo de 15 persoas.

Agardamos que sexa do voso interese.

Saúdos, Equipo directivo

 

Aula Matinal

Estimadas familias, desde a ANPA nos informan que o servizo de Aula matinal comezará o luns 13 de setembro. O horario é de luns a venres, de 8:00h a 9:20h. O prezo é de 30€/mes. No caso de ser días soltos, 4€. Por favor, as familias que queiran ser usuarias do servizo deben entregar a folla de inscrición directamente á coidadora o luns ao chegar. Darémoslle unha copia ao alumnado mañá e estará colgada na páxina web. Saúdos.

 

Impreso Aula Matinal

REUNIÓN FAMILIAS NOVAS

Estimadas familias,

O xoves día 9 comezamos o novo curso escolar. Como vos comentamos na anterior publicación, as familias de 1ºEP, xunto coas novas familias doutros cursos, convocámosvos a unha reunión ás 9:45h na pista cuberta do centro (só 1 membro por familia). 

Cando todos os cursos suban ás aulas correspondentes, o equipo directivo comentaremos con vós os puntos máis salientables da organización de centro. Ademais, anotaremos o alumnado que vai facer uso do transporte, de comedor ou ó que veñen recoller, e qué días. Por favor, é moi importante que nos concretedes estes datos xa este xoves , para poder organizar ao alumnado nas filas que correspondan, segundo sexan "bus/comedor/casa". 

Saúdos,

Equipo directivo

INICIO CURSO

Estimadas familias,

Informámosvos que, segundo as instrucións recibidas pola Consellería de Educación, o xoves día 9 de setembro comezará o curso escolar para todos os niveis de 1º a 6º EP.

 Recordamos que para estes dous primeiros días de clase, todos os cursos entrarán ás 9:30h agás os grupos de 1ºEP que o farán ás 9:45h. Excepcionalmente estes dous días, está permitida a entrada ó recinto escolar dun membro da familia para acompañar ao alumnado de 1º ata o espazo asignado de ringleiras. Agradecemos que estas familias permanezan na pista cuberta, unha vez suba o alumnado ás aulas, para organizar diferentes aspectos coa dirección do centro.

 A partir do luns 13, todos os grupos terán o mesmo horario, de 9:30 a 14:30h.

 O alumnado  usuario de transporte escolar accederá ao centro pola porta principal a partir das 9:20h. O resto do alumnado accederá camiñando pola porta lateral (adro). Non está permitida a entrada de vehículos nesta zona.

 A recollida do alumnado será ás 14:30h e o alumnado sairá pola porta correspondente, segundo sexan de transporte (porta principal) ou recollidos/as polas familias (adro).

Para que o alumnado poda acceder ao centro unha vez pechadas as portas, chamará ao timbre da porta principal.

En relación ao transporte escolar, mantéñense as mesmas liñas de autobús, que pasarán polas paradas habituais ás horas de sempre.

 

Graciñas pola vosa colaboración!

 

 

CALENDARIO ESCOLAR 2021-22

Co fin de que poidades organizar o vindeiro curso académico, deixámosvos o seguinte enlace no que podedes consultar o calendariio escolar da Consellería.

Fai clic neste enlace

Calendario Escolar

 

 

INFORMACIÓN COMEDORES ESCOLARES CURSO 2021-2022

A instancias da Concelleira de Benestar Social, Nuria Lameiro, axuntamos información para a inscrición dos comedores escolares para o curso 2021-2022.

CONSELLERÍA DE SANIDADE: INFORMACIÓN

 A Consellería de Sanidade presenta o portal web “Xanela aberta á familia” e a guía de alimentación “O ABC do consello alimentario na infancia”.

“Xanela aberta á familia” é unha iniciativa para a promoción da saúde infantil con información útil para pediatras, docentes e familias. O seu desenvolvemento está enmarcado dentro do proxecto Riscar, no cal colaboran as administracións competentes de Portugal, Galicia, Castela e León, Extremadura e Andalucía.
Inclúe información sobre a alimentación saudable, a actividade física, a saúde e o benestar emocional. A información deste portal organízase ao redor de cada unha das etapas da crianza, desde o embarazo ata a adolescencia e caracterízase por incluír ademáis dos aspectos estritamente informativos, consellos, pautas de actuación e suxestións.
 
Nesta web, dentro do apartado de alimentación saudable pódese consultar a guía de alimentación “O ABC do consello alimentario na infancia”. Esta guía achega información, ideas e estratexias para acadar un axeitado patrón alimentario tanto no ámbito familiar como nos centros educativos. As recomendacións foron moduladas segundo os condicionantes do feito alimentario, en forma de connotacións sociais, culturais e fisiolóxicas. Consta de distintas seccións nas que ofrece información sobre a composición nutricional dos alimentos, a súa conservación e as distintas elaboracións. Inclúe tamén consellos para facer unha compra saudable e distintas receitas para todas as comidas do día co fin de facilitar a tarefa cotiá de elixir, mercar e preparar alimentos
Para máis información:


Saúdos,
Equipo Directivo

Guía A familia, núcleo das primeiras aprendizaxes

Estimadas familias,

A Deputación de Pontevedra e a Asociación Socio-Pedagóxica Galega (AS-PG) acaban de facer pública a guía A familia, núcleo das primeiras aprendizaxes, unha publicación en galego que pretende axudar a nais e pais na educación das e dos fillos en temas como a motivación, a disciplina, a lectura, as emocións e a xestión de conflitos, e a educación afectivo-sexual.

Trátase dun traballo que inicialmente ía consistir en obradoiros de traballo presencial coas familias, impartidos nos concellos de Bueu, Cambados e Vigo, mais a pandemia obrigou a que se reformulase. Así, finalmente concibiuse como unha serie de artigos realizados por persoas ensinantes, orientadoras e bibliotecarias, agrupados nunha guía impresa.
Deixámosvos o enlace que contén o documento de 25 páxs. por se pode ser do voso interese (clic na imaxe)

Distribuir contenido


by Dr. Radut