Entroido

RADIO SALTAMONTES: ESPECIAL ENTROIDO

Mér, 2020-04-15 11:41 — Anónimo

Bo día queridísima audiencia de Radio Saltamontes!

Como acabamos de pasar esta Semana Santa un tanto peculiar e temos algo de morriña das nosas festas tradicionais, esta semana traémosvos un programa emitido o 20 de febreiro polas nosas locutoras e locutores máis noveles, o alumnado de 1º curso!

Esperamos que vos guste tanto como a nós e desexamos que pronto poidamos celebrar de novo coa vosa compaña!

Boa escoita!

1 adxunto

Vivimos o Entroido!

Xov, 2020-02-13 23:29 — primeirociclo

Na aula de 1º gústanos moito facer concursos; xa fixemos o concurso de debuxos de Samaín, de Nadal, e agora como non podía ser doutro xeito... toca o concurso de Entroido!

Para iso decoramos diferentes máscaras e antefaces con estilos moi diversos. Aínda non sabemos quen é o gañador ou a gañadora, pero o certo é que cremos que todos e todas somos uns/unhas artistas, non si?