Blogues

OBRADOIRO STEAM CON PAOLA GUIMERÁNS

Mar, 2023-09-12 17:09 — salial

Obradoiros con Paola Guimeráns, experta en Deseño, Téxtiles intelixentes e ensinanzas STEAM.

Desenvólveronse 3 talleres nos que as rapazas e rapaces crearon circuítos, camisetas intelixentes e cómics interactivos partindo do proceso de "deseñar facendo".

1- Comezamos con Circuitos en papel, o alumnado de 4º fixo circuítos eléctricos con papel condutor e un LED, co que iluminou unha casiña construída con papiroflexia.

2- Placa Make Makey. En 5º programaron con scratch e deseñaron un cómic interactivo.

3- Microbit e Make Code neste obradoiro a rapazada de 6º deseñou unha camiseta con luces, música, detectores de temperatura... traballando en equipo, creou programas sinxelos descubrindo as posibilidades da placa microbit.

Este obradoiro enmárcanse no proxecto Biblioteca Creativa

GRADUACIÓNS

Mar, 2023-07-04 12:23 — cris

E por aquí un recordo para as nosas graduadas e graduados

Podedes ver as fotos accedendo á GALERÍA

GRADUACIÓN 6º DE INFANTIL

Lun, 2023-06-19 11:31 — isa

Xa estamos a piques de rematar este curso, co que finaliza unha fermosa etapa chea de vivenzas que non imos esquecer.

A titora Laura e todas as profes que estivemos con vós en infantil, desexámosvos,

MOITA SORTE EN PRIMARIA!

Os nenos e nenas de 6º de infantil xa están listos para que xogues con eles a gradualos/as

a

Excursión final de curso 6º

Lun, 2023-06-19 00:00 — cris

O alumnado de 6º de Primaria non podía quedar sen saída de fin de etapa. Tres días no camping "Os Fieitás" onde disfrutaron de excursións ao monte, parque multiaventura, xogos na praia, intermareal, kayak, veladas nocturnas...

Xornadas de convivencia entre rapaces e rapazas que levan toda a vida xuntos. Unha experiencia inolvidable.

Preme na imaxe para acceder á galería

CASA DO PATRÓN 1º E 2º

Xov, 2023-06-15 19:40 — cris

E tamén as nenas e nenos de 1º e 2º marcharon a Lalín, á Casa do Patrón, onde visitaron o museo, fixeron papel, elaboraron queixo, comeron todos xuntos e xogaron un motón.

Unha gran xornada de convivencia e aprendizaxe.

Premede na imaxe para ver máis

SAÍDA TRENCIÑO EI

Xov, 2023-06-15 19:26 — cris

Hoxe as nenas e nenos de Educación Infantil marcharon de viaxe no Trenciño.

Subiron na estación da Praza Maior chegando á estación de Outariz.

Alí disfrutaron do entorno natural, fixeron taller de maquillaxe, construíron cabanas con paus, pedras....buscaron o tesouro, pasearon a carón do río, etc.

Premede na imaxe para ver máis.

SAÍDA "ACOUGO" 4º

Mér, 2023-06-14 19:22 — cris

Hoxe as nenas e nenos de 4º de Primaria marcharon a Villamarín, ao centro de ocio na natureza "Acougo".

Foron moitas as actividades realizadas: tiráronse pola tirolina, construíron cabañas, pasearon en barca por un lago cun "crocodilo", alimentaron e viron animais, comeron todos xuntos, disfrutaron de divertidos xogos...

Unha xornada de convivencia inolvidable.

Premede na imaxe para ver máis