Este mércores, 11 de setembro, ás 9:00 h, iníciase a actividade lectiva do curso 24/25.
Tanto o servizo de transporte escolar coma o de comedor funcionarán con normalidade desde o primeiro día.
O horario de entrada ao centro será ás 9:00 h e o de saída, ás 13:40 h ao longo do mes de setembro. A partir do 1 outubro, o horario de saída pasará a ser ás 14:00 h e así se manterá ata o 31 de maio.
Durante todo o curso, o alumnado usuario do transporte escolar entrará e sairá pola porta do aparcadoiro de autobuses e o resto do alumnado entrará e sairá pola porta principal.
O día 11 de setembro, todo o alumnado se dirixirá ás 9.00 h ao salón de actos, desde onde marcharán para as súas clases acompañados polo profesorado titor.