No mes de novembro, o alumnado de 6º de Infantil, 1º e 2º de Primaria comezou unha actividade baseada na MILLA diaria que consiste en percorrer esta distancia camiñando ou correndo ao aire libre. Así, buscamos mellorar principalmente o noso benestar físico e emocional. Ademáis, os días de chuvia preparamos un circuito no patio cuberto no que alternamos a carreira con actividades de trepa e iniciación á escalada.

A milla escolar contribúe a mellorar a competencia motriz do noso alumnado, a crear hábitos de vida activa e saudable e a incrementar o tempo de práctica de actividade física de calidade durante a estadía da rapazada no noso centro.  Parabéns polo voso esforzo!

Para continuar crecendo en valores, hoxe traballamos con curtametraxes, contos,... que permiten abordar a discapacidade ou capacidades diversas das persoas protagonistas das mesmas.

O alumnado de 6º de primaria participou no PLENO MUNICIPAL INFANTIL, coñecendo as institucións de forma activa e participativa.

Premendo na imaxe podedes ver algúns intres.

Pode verse a gravación da sesión premendo neste ENLACE.

Que preciosidades poden crearse con elementos do outono!

A finais de outubro recibimos a visita do “Hóckey Club Cambre”.

O noso alumnado de 6º de Infantil e de 1º, 2º e 3º de Primaria participou nunhas xornadas de iniciación a este deporte guiadas por dúas adestradoras deste Club. Nestas sesións explicaron á rapazada en que consiste o hockey a patíns, o equipamento necesario para a práctica deste deporte e, finalmente, realizaron unha serie de xogos de familiarización cos sticks e as pelotas. Tamén, invitaron aos escolares a adestrarse con elas para probar.

Moitas grazas pola vosa visita.

Esta actividade vincúlase con obxectivos do noso Proxecto de Vida Activa e Deportiva (PVAD) como:

- Colaborar con asociacións deportivas e deportistas para a realización de actividades físicas e actividades extraescolares.

- Fomentar o uso activo do tempo de lecer tanto na escola como fóra da mesma.

- Coñecer os recursos deportivos dispoñibles do noso Concello e arredores.

Neste primeiro trimestre, gran parte do alumnado de Primaria  está a desenvolver un Campionato de Pano no seu tempo de lecer. Por unha banda, compite o alumnado 3º e 4º de Primaria e, pola outra, os de 5º e 6º. 

Fomentar o uso activo do tempo de lecer na escola,  establecer unha conexión entre os contidos impartidos na aula e as actividades complementarias e  mellorar a competencia motriz do alumnado son algúns dos obxectivos que aparecen no noso Proxecto de Vida activa e Deportiva.

Hoxe tocoulle a quenda ao alumnado de educación infantil para asistir á representación teatral KYOKI.

Hoxe conmemoramos o 25 N sensibilizando ao alumnado nesta terrible problemática que vive a sociedade actual a través de distintas actividades. 

 O alumnado da etapa de Educación Infantil despois de investigar na aula o outono desprazouse ata a área recreativa de Barreiros, en Arteixo, para experimentar todo o aprendido sobre esta estación. 

Hoxe, o alumnado de educación primaria, asistiu á representación teatral KYOKI.