O 14 de maio, o alumnado achegouse ao auditorio para visitar a Manuel Solla e os seus contos animados.

Unha mañá chea de contos, maxia, unha maleta chea de moitos animais e mesmo un violino para conmemorar a semana das letras galegas.

Agradecemos á biblioteca municipal que nos convidase a este espectáculo de animación á lectura.

Bo día!

Os nenos e nenas de 5º e 6º de Educación Primaria prepararon un podcast lendo unha obra de María Victoria Moreno chamado: "Eu conto, ti cantas..."

Esperamos que vos guste tanto como a nós! Ver vídeo AQUÍ

Durante o mes de Marzo, e dentro do proxecto "Donas de si", coñecemos a María Victoria Moreno, escritora e mestra homenaxeada nas Letras Galegas 2018. Lemos na clase o libro "Eu conto, ti cantas" que reúne tres relatos de animais escritos en verso e gustounos moito. Aquí vos deixamos uns debuxos que fixemos despois da lectura.  Esperamos que vos gusten!

REVISTA DE 3º E 4º SOBRE ROSALÍA DE CASTRO.

Ola, vai chegando o Nadal e dende a Biblio do cole elaboramos a guía de recomendacións lectoras.

Aínda que a levaredes para a casa en formato papel premendo aquí xa lle podedes ir botando unha ollada.

Lembrade que polo Nadal un libro é un bo agasallo.

Boas vacacións!!

Émili

a

Ola de novo a todos e todas!!

Quero darvos as grazas a todos e todas os que vos ides animando a participar na actividade da Biblioteca "O MEU LIBRO FAVORITO..." e como unha imaxe, ou dúas, vale máis que mil  palabras...

De novo moitas grazas aos e ás que xa estades participando e espero que vos vaiades animando os e as demais.

Ao final aínda vos animastes bastantes:

E agora, unha vez pasado o día, imos poñer aquí unhas fotos de mostra do acto co que pechamos o DÍA DA BIBLIOTECA.

Pola tarde xuntámonos todos os cursos na Biblioteca e os compañeiros e compañeiras que trouxeron algún libro, e quixeron, foron explicándonos a todos e todas o motivo que os levou a escoller ese libro.

A verdade é que foi moi enriquecedor e os motivos diversos: porque é un libro bonito..., porque ten o meu nome..., foi o meu primeiro libro..., regaloumo..., ten moitos debuxos..., conta unha historia que me gusta moito..., regaláronmo antes de nacer eu... 

Puidemos comprobar que hai libros que só teñen letras, libros que case todo é debuxo..., libros con letra e debuxo ou foto, libros para darlle cor, libros sen letras..., e o que máis nos chamaou a atención a todos foi un libro con aromas!!

MOITÍSIMAS GRAZAS A TODOS E TODAS AS PARTICIPANTES!! Aprendemos moito de vós!!

a

Saúdos.

Émili.

Ola!!

Vimos de facer unha pequena selección de fondos da Biblioteca relacionados coa temática do Samaín e Halloween (lembrade que temos unha sección bilingüe na escola). Están expostos na entrada do colexio, non esquezades botarlle unha ollada...

 Hoxe, 25 de outubro, aquí vos deixo unha pequena reportaxe fotográfica do noso recuncho de lecturas de Samaín e Halloween:

Como podedes ver está sendo moi ben acollido polo alumnado. Lembrade que as familias tamén poden participar. 

Saúdos.

Émili.

Ola a todos e todas.

O vindeiro 24 de outubro celébrase o DÍA DA BIBLIOTECA. Este ano na escola gustaríanos que cada neno ou nena traia o seu LIBRO FAVORITO cunha pequena explicación, dunha extensión máxima da cariña dun folio, para logo poder poñelo en común con todos os compañeiros e compañeiras.

Os que queiran participar DEBERÁN TRAER OS LIBROS ANTES DO DÍA 24, permanecerán expostos no corredor de entrada ata o venres 27.

Moitas grazas pola vosa colaboración.

Émili.

O pasado 23 de abril celebrouse o DÍA DO LIBRO, tamén coñecido como DÍA INTERNACIONAL DO LIBRO.

Como era un domingo, na escola celebramos tan significativo acontecemento o venres 21 e o luns 24.

O venres 21 pola tarde, os maiores (5º e 6º), por parellas, contáronnos uns contos no patio do colexio. Os contos elixidos dende a biblioteca foron: A PRINCESA DO CAUREL, PICURRUCHOS, COCORICO, CARABUÑAS e A MELLOR SOPA DO MUNDO.

O mellor, os contacontos: Arantxa e Derech, Aroa e Víctor, Andrés e Adonay, Marta e Didier e Gabriel e Sabela.

O luns, Infantil, 1º e 2º realizaron un debuxo sobre o conto que máis lle gustou a cada un/unha:

Os nenos e nenas de 3º e 4º fixeron un resumo do conto que máis lle gustou e explicaron o motivo da súa elección. 

O alumnado de 5º e 6º explicou como organizaron a actividade, as parellas, como decidiron contar o conto, etc.

Os nenos e nenas de Infantil, coa profe Mila fixeron a súa versión do conto "Los tres cerditos":

Moitas grazas a todos e todas por participar, de xeito especial aos e ás contacontos que o fixeron XENIAL!!

Emili