O día 16 de maio festexamos as Letras Galegas. Fixemos unha gymkhana con diferentes probas en torno á figura de Antón Fraguas. Ademais, ao longo da semana, realizáronse diversas actividades relacionadas con esta conmemoración.
Blogues
Córax
No terceiro trimestre o alummando de Educación Infantil e 1º, 2º, 3º, e 4º de Educación Primaria realizou unha visita a Córax, onde puidemos ver de preto leóns, tigres emonos entre outros animais. O alumnado de 5º e 6º de Educación Primaria foi de excursión a Madrid.
Concerto didáctico
A través do CEFORE, o alumnado do CEIP Santa Eulalia de Dumbría disfrutou dun concerto didáctico de música tradicional o 3 de maio na biblioteca do centro.
Semana do Libro
Este ano para conmemorar a semana do libro, ademais do traballado en cada titoría, todo o colexio realizou un obradoiro de encuadernación da man dos usuarios de Aspadex.
Robótica
A través do Concello de Dumbría, todo o alumnado do CEIP Santa Eulalia de Dumbría iniciouse no mundo da Robótica. Foi unha actividade que tivo lugar ao longo dos meses de abril e maio nos recreos do comedor.
MAR NA ESCOLA 2019
Este curso o alumnado de 3º, 4º, 5º e 6º de Educación Primaria tivo unha nova oportunidade para iniciarse e perfeccionarse en actividades náuticas.
EXCURSIÓN TORRES DO ALLO
No segundo trimestre fomos ás Torres do Allo, un dos pazos máis antigos de Galiza. Durante a visita realizamos un percorrido polas súas instalacións, aprendemos os produtos que chegaron ás nosas terras despois do descubrimento de América, prantamos sementes, texemos e xogamos no seu xardín.
SEMANA DA PRENSA 2019
A Semana da Prensa estivo cargada de actividades con xornais locais e autonómicos, en formato papel así como dixital. Pero sen dúbida, o que máis nos gustou foi recibir a visita da poetisa, presentadora de TV, guionista...Yolanda Castaño!
Os bolechas
Os Bolechas viñeron ao CEIP Santa Eulalia de Dumbría para ensinar aos maiores o que deben facer cos residuos dos aparellos eléctricos e electrónicos
- « primeira
- ‹ anterior
- …
- 39
- 40
- 41
- 42
- 43
- 44
- 45
- 46
- 47
- …
- seguinte ›
- última »