Skip to Content

Ed. Física

O ATLÁNTICO, PARTE DE TI. COÑECECENDO A VELA

Xov, 23/02/2023 - 20:47 — admin

O alumnado de 5º de Primaria puido coñecer gracias ao programa do Concello de A Coruña, "O Atlántico parte de ti", a vela. 

Non o fixeron nada mal estes regatistas de Visma.

Preme na imaxe para acceder ao álbum.

Álbum: CURSO 2022/2023 -> COÑECECENDO A VELA 5º

BAILANDO E CORRENDO POLA PAZ

Ven, 03/02/2023 - 11:54 — admin

Non hai mellor xeito de celebrar o Día da Paz e a non violencia que colaborando e cooperando.

Este ano fixemos días actividades un baile e una carreira colaborativa.

No caso da carreira o colexio tiña un obxectivo común, encher un mural escribindo a palabra paz en menos de 7 minutos. Para iso os nenos e nena correron por parellas agrupando clases os de 6º cos pequenos de 4º de infantil, os de 5º cos de 5º de EI, 4º con 6º de EI... 

O reto foi máis que superado, pero sobre todo os nenos e nenas foron un exemplo de colaboración e traballo en equipo.

Álbum: CURSO 2022/2023 -> PAZ

ANDAINA CONTRA A VIOLENCIA DE XÉNERO

Dom, 27/11/2022 - 11:38 — admin

O alumnado de Visma sumouse ao 25-N para reivindicar esta data tan sinalada.

As nenas e nenos analizaron contos, percorreron quilómetros no #camiño ao respecto e entre todas e todos fixeron os lazos da  NON VIOLENCIA.

Ogallá, entre todas e todos consigamos que o 25-N deixe de ser necesario.

Álbum: CURSO 2022/2023 -> 25N

EXHIBICIÓN DE TROMPOS

Mar, 15/11/2022 - 19:24 — admin

O pasado xoves día 10 tivemos a gran sorte de contar no noso cole coa visita de Omar, campión do mundo e de México de trompos.

Os nenos e nenas de todos o curso foron pasando a ver os impresionantes xogos e trucos de Omar co trompo. A verdade é que tanto os nenos e  nenas como os profes quedamos coa boca aberta.

 

Álbum: CURSO 2022/2023 -> Exhibición de trompos

COMENZAMOS A COÑECER A CORUÑA

Sáb, 15/10/2022 - 08:21 — admin


Xa temos todo listo para comezar a camiñar e coñecer a nosa cidade, A Coruña.

Ao longo do curso realizarmos 15 roteiros que nos levarán dende o colexio ata os seguintes lugares emblemáticos da cidade:

  • Parque do Mariñeiros
  • Estadio de Riazor
  • Estación do tren
  • Cidade Vella
  • Porto
  • Obelisco
  • Mercado de San Agustín
  • Parque de Santa Margarita
  • Torre de Hércules
  • Castelo de San Antón
  • Castro de Elviña
  • Praia de Riazor e Orzán
  • Monte de San Pedro
  • Portiño e Praza de María Pita

Para percorrer cada rotiero adicaremos dúas semanas, saíndo a camiñar ou  correr a diario polo percorrido de 500 metros que temos marcado no colexio. As voltas que fagades debedes apuntalas na táboa que está na entrada do colexio. Unha vez rematado o roteiro poderedes escoitar o que investigaron as vosas compañeiras e compañeiros do lugar emblemático de destino.

 

SEMANA EUROPEA DA MOBILIDADE

Mér, 21/09/2022 - 14:10 — admin

Arrincamos este curso en bicicleta.

Os nenos e nenas de 6º de Primaria de Visma celebraron a Semana europea de mobilidade da man da asociación Stop Accidentes.

Os rapaces e rapazas puxeron en práctica o aprendido sobre seguridade viaria en todos estes anos e fixeron un percorrido en bicicleta polo paseo marítimo da cidade  acompañados pola policía local.

En Visma o temos claro, hai outra maneira de moverse mellor para nós e para o planeta, a bicicleta!!!

Moitas gracias a Stop Accidentes, á Policía Local, a Protección Civil e ao Concello da Coruña, por contar con nós para este día.

Álbum: CURSO 2022/2023 -> Semana da mobilidade europea

OS LUNS, FROITA

Mar, 20/09/2022 - 13:06 — admin

Arrinca o curso e os luns de froita están de volta en Visma. 

O fomento da alimentación saudable é un dos principais obxectivos do noso centro.

Grazas á Axuda en Acción e a Fundación Repsol, todos os luns chega ao colexio froita para que o alumnado poida consumir ao longo da semana nos recreo.

Bo proveito!!!

Álbum: CURSO 2022/2023 -> Os luns, froita

AXENDA OLÍMPICA MAIO

Lun, 09/05/2022 - 12:03 — admin

DÍA DA EDUCACIÓN FÍSICA NA RÚA

Mar, 03/05/2022 - 19:15 — admin

Chegou o 27 de abril e con el unha das citas máis esperadas no colexio, o Día da Educación Física na rúa.

Os nosos olímpicos e olímpicas puxeron a proba a súa resistencia e saíron a camiñar polos espazos verdes da contorna e os parques. O alumnado de primaria fixo unha andaina polo barrio de Visma e o parque Adolfo Suárez, mentres que os pequenos e pequenas de infantil camiñaron polo percorrido do facho olímpico e polo parque dos Mariñeiros.

Ademais, o venres 28 xuntámonos na praza de María Pita preto de 400 escolares de sete colexios de A Coruña para celebrar, promocionar e defender a Educación Física . Os nosos representantes foron os ciclistas da clase de 6ºB de Infantil, que deixaron a todo o mundo marabillado co seu bo facer nas bicicletas.

Álbum: CURSO 2021/2022 -> Día da Educación Física na rúa

FIN DO SEGUNDO TRIMESTRE. AS OLIMPIADAS DE CORDA

Sáb, 23/04/2022 - 15:44 — admin

A fin do segundo trimestre chegou e os nenos e nenas de Visma tiveron que enfrontarse ás Olimpiadas de corda para lograr a medalla de plata e seguir avanzando neste curso olímpico.

Estas Olimpiadas de corda puxeron de manifesto un dos máis importantes valores olímpicos, o compañeirismo.

O alumnado de San Pedro de Visma traballou en equipo para superar dúas probas e conseguir a medalla de plata:

  1. Entre todos os nenos e nenas de cada clase tiveron que superar unha serie de retos  de corda: saltar cos ollos pechados, cruzando a corda, saltos con xiro...
  2. Acadar 5.000 saltos entre todos os nenos e nenas en tres minutos. Ah!, non so chegaron a 5.000 saltos, é que deron 18.706.

Parabéns ao equipo de San Pedro de Visma, fúchedes un exemplo de esforzo e traballo en equipo.

 

Álbum: CURSO 2021/2022 -> Olimpiadas de corda
Distribuir contido


by Dr. Radut