O CICLO DA AUGA
Seguimos centrados no noso proxecto da auga. Fai uns días, visualizamos un vídeo explicativo de como se forman as nubes e a precipitación. Logo mediante diversos experimentos o levamos á práctica. Primeiramente, a través dunha caixa de cartón realicei o proceso do ciclo da auga dun modo moi visual e que entenderon moi ben. Gustoulles moito tocar a nube de algodón e pouco a pouco nos fomos familiarizando cun novo vocabulario como a evaporación, a condensación e a precipitación. A continuación decidimos realizar o experimento da bolsa de plástico que consiste en facer chover dentro dela. Antes de nada debuxamos o sol, montañas, peixes… e logo botamos un pouco de auga dentro dela e a pechamos. Despois a pegamos na ventá. Ao día seguinte foi un día solleiro polo que a evaporación ocorriu e puidemos ver as gotiñas na bolsa. De seguido, puidemos tocar estas gotiñas e fixemos chover. Por último, na nosa rutina diaria, o alumnado quere ir saludar aos peixes polo que van a tocalos un por un. Polo tanto é u nha actividade moi dinámica e divertida para eles.
